રાષ્ટ્રપતિ દ્રૌપદી મુર્મુનું રાજકોટ આંતરરાષ્ટ્રીય એરપોર્ટ ખાતે સ્વાગત કરાયું

•  રાષ્ટ્રપતિ  દ્રૌપદી મુર્મુનું રાજકોટ આંતરરાષ્ટ્રીય એરપોર્ટ ખાતે ભાવભર્યું સ્વાગત

• ટંકારા ખાતે મહર્ષિ દયાનંદ સરસ્વતીના ૨૦૦મા જન્મોત્સવમાં સહભાગી થવા હિરાસર એરપોર્ટ ખાતે  પહોંચ્યા

રાજકોટ ન્યૂઝ

તા. ૧૨ ફેબ્રુઆરી- ભારતના માનનીય રાષ્ટ્રપતિ શ્રીમતી દ્રૌપદી મુર્મુજી મોરબી જિલ્લાના ટંકારા ખાતે મહર્ષિ દયાનંદ સરસ્વતીના ૨૦૦મા જન્મોત્સવ – જ્ઞાન જ્યોતિ પર્વ – સ્મરણોત્સવમાં સહભાગી થવા આજે રાજકોટ હિરાસર એરપોર્ટ પર આવી પહોંચતાં રાજ્યપાલશ્રી આચાર્ય દેવવ્રતજી અને મુખ્યમંત્રીશ્રી ભૂપેન્દ્રભાઈ પટેલે તેમનું ભાવભર્યું સ્વાગત કર્યું હતું.

આ અવસરે સહકાર અને ઉદ્યોગ રાજ્યમંત્રી શ્રી જગદીશભાઈ વિશ્વકર્મા, મેયરશ્રી નયનાબેન પેઢડિયા, ધારાસભ્ય શ્રી રમેશભાઈ ટીલાળા, કલેકટરશ્રી પ્રભવ જોશી, પોલીસ કમિશનરશ્રી રાજુ ભાર્ગવ સહિતના મહાનુભાવોએ પણ રાષ્ટ્રપતિશ્રીને આવકાર્યા હતા.