મંત્રી જયેશ રાદડિયા સહિત અનેક સંતો–મહંતો ઉપસ્થિત રહ્યા
માધવ ગૌસેવા ટ્રસ્ટ દ્વારા સંસ્થાના વિશાળ મેદાનમાં નવનિર્મિત હનુમાનજી મંદિરમાં ત્રિદિવસીય કષ્ટભંજન હનુમાનજીનો પ્રાણ-પ્રતિષ્ઠા મહોત્સવ યોજાયો હતો. તા.૨૨/૨ થી ૨૪/૨ દરમ્યાન યોજાયેલ આ મહા મહોત્સવમાં યજ્ઞ, છપ્પનભોગ, હનુમાન ચાલીસા, મૂર્તિ-પ્રતિષ્ઠા, રાસોત્સવ, મહાઆરતી વિગેરે કાર્યક્રમો યોજાયા હતા. આ તકે પુ.શાસ્ત્રી સ્વામી નારાયણ ચરણદાસજીએ પ્રસંગોચિત પ્રવચન આપીને આર્શીવચન પાઠવ્યા હતા.
આ તકે મંત્રી જયેશ રાદડિયા, પૂર્વ નગરપતિ વી.ડી.પટેલ, રણછોડભાઈ કોયાણી, હરસુખ ટોપીયા, હરકિશન માવાણી, કે.પી.માવાણી, અગ્રણી વિમલ કોયાણી, સી.સી.અંટાળા, સંસ્થાના પ્રમુખ ભુપતભાઈ કોયાણી, લાયન્સ પ્રમુખ દલસુખભાઈ વાગડીયા, ડી.જી.બાલધા તેમજ અનેક સંતો-મહંતો ઉપસ્થિત રહ્યા હતા.
