કોરોના વાયરસના કારણે લાંબા ચાલેલા લોક ડાઉનના કારણે પોલીસ સ્ટાફ બંદોબસ્તમાં વ્યસ્ત હતો અને વિદેશી દારૂની શહેરમાં અછત સર્જાતા દેશી દારૂની એકા એક વધેલી માંગના કારણે કુબલીયાપરામાં ગૃહ ઉદ્યોગની જેમ દેશી દારૂની ભઠ્ઠી ધમધમતી થઇ ગઇ હોવાથી થોરાળા, ભક્તિનગર, આજી ડેમ પોલીસ, કુવાડવા, એડિવિઝન અને બી ડિવિઝન પોલીસ મથકના તમામ પોલીસ સ્ટાફે વહેલી સવારે કુબલીયાપરામાં સયુંકત રીતે દરોડો પાડતા દેશી દારૂના ધંધાર્થીઓમાં નાસભાગ મચી ગઇ હતી. પોલીસે કુબલીયાપરા શેરી નંબર ૫માં રહેતા સુનિલ કલા સોલંકી, સંતો ચંદુ પરમાર અને વસંતબેન જનકભાઇને ત્યાં દેશી દારૂની ભઠ્ઠી અંગે દરોડા પાડતા સંતો પરમાર અને મહિલા બુટલેગર વસંતબેન ભાગી જતા પોલીસે તેની શોધખોળ હાથધરી છે તે દરમિયાન નદીના પટ્ટમાં દારૂ બનાવવાનો ૫૦૦ લિટર આથો મળી આવતા પોલીસે તેનો સ્થળ પર નાસ કર્યો છે.
