- હિસ્ટ્રીશીટરો વિરુદ્ધ પોલીસ દ્વારા કાર્યવાહી રાખવામાં આવી યથાવત
- હળવદમાં બે હિસ્ટ્રીશીટરના ગેરકાયદેસર દબાણ તોડી પાડવામાં આવ્યા
- રૂ. 81 લાખ કિંમતની 4716 ચો.મી. સરકારી જગ્યા ખુલ્લી કરવામાં આવી
મોરબીમાં હિસ્ટ્રીશીટરો વિરુદ્ધ પોલીસ દ્વારા કાર્યવાહી યથાવત રાખવામાં આવી છે. હળવદમાં બે હિસ્ટ્રીશીટરના ગેરકાયદેસર દબાણ તોડી પાડવામાં આવ્યા છે. બટુક કાંકરેચા અને રાજેન્દ્રસિંહ લીબોલા નામના હિસ્ટ્રીશીટરની ગેરકાયદેસર મિલકત તોડી પાડી રૂપિયા 81 લાખ રૂપિયાની કિંમતની 4716 ચોરસ મીટર સરકારી જગ્યા ખુલ્લી કરવામાં આવી છે.
હળવદ પોલીસ સ્ટેશન વિસ્તારમાં વ્યાજવટાવ તેમજ મારામારી/ફુટના ગુનાઓમાં સંડોવાયેલ આરોપી બટુક કાંકરેચા અને રાજેન્દ્રસિંહ લીબોલા નામના ઇસમોની મિલકત અંગે જે તે લાગતાં વિભાગ સાથે સંકલન કરી ગેરકાયદેસર કબ્જો કરી સરકારી જમીન ખાલી કરાવવી અને ડિમોલેશનની કાર્યવાહી કાર્યવાહી કરાવામાં આવી હતી.
મળતી માહિતી મુજબ, ગુજરાત રાજયમાં કાયદો અને વ્યવસ્થા જળવાય લોકોમાં સુરક્ષા અને સલામતી અનુભવાય તેમજ સ્થાનીક પોલીમ અને વહીવટી તંત્રના માધ્યમથી અસામાજિક ગુંડા તત્વોની યાદી તૈયાર કરી તેના વિરુદ્ધ કાયદેસરની કાર્યવાહી કરવી જરૂરી હોવાથી ગુજરાત રાજ્યના દરેક પોલીસ સ્ટેશન વિસ્તારમાં રહેતા અસામાજીક ગુંડા તત્વોની યાદી તૈયાર કરી તેના વિરુદ્ધ કાર્યવાહી કરવા ગુજરાત રાજ્ય ગાંધીનગરના DGP દ્વારા સૂચના આપવામાં આવી હતી. રાજકોટ રેન્જ આઈ. જી. પી. અશોકકુમાર યાદવ તથા મોરબી જીલ્લા પોલીસ અધિક્ષક રાહુલ ત્રિપાઠીએ મોરબી જીલ્લામાં રહેતા અસામાજિક ગુંડા તત્વોની યાદી તૈયાર કરી તેઓ વિરૂધ્ધ અસરકારક કામગીરી કરવા સુચના આપી હતી.
આ અંતર્ગત નાયબ પોલીસ અધીક્ષક વાકાનેર ડિવેઝન સમીર સારડાની અધ્યક્ષતામાં આર.ટી. વ્યાસ પોલીસ ઇન્સ્પેકટર હળવદ પોલીસ સ્ટેશન દ્વારા હળવદ પોલીસ સ્ટેશન વિસ્તારમાં રહેતા અસામાજીક તત્વોની યાદી તૈયાર કરી હતી. જેમાં અગાઉ અસમાજીક પ્રસ્તુતીઓ ચોરી, મારામારી, દારૂ વેચાણ, લૂંટ જેવા ગુનાઓમાં સંડોવાયેલા કુલ 10 આરોપીના ગેરકાયદેસર દુકાન, મકાન, હોટલ ડિમોલેશન કરવામાં આવ્યું હતું. તેમજ PGVCL દ્વારા કુલ આરોપી 8 વિરુદ્ધમાં રોકડ રૂપિયા 11, 95,000 /- જેટલી દંડ કરવામાં આવ્યો છે.
તેમજ આજરોજ પરા વ્યાજવટાવ તેમજ મારામારી /લુંટના ગુનાઓમાં સંડોવાયેલ આરોપી બટુક કાંકરેચા અને રાજેન્દ્રસિંહ લીબોલા નામના ઇસમોની મિલ્કત અંગે આપે જે તે લાગતા વિભાગ સાથે સંકલન કરી કાર્યવાહી કરવામાં આવી હતી. આ કામગીરીમાં DYSP હળવદ PI, હળવદ મામલતદાર તેમજ તેમનો સ્ટાફ, નગરપાલિકાનો સ્ટાફ તેમજ પોલીસ સ્ટાફ સહિતના લોકો ધટના સ્થળે પહોંચ્યા હતા.
