Poco Pad 5G
સ્માર્ટફોન ઉત્પાદક Poco ટૂંક સમયમાં ભારતીય બજારમાં એક નવું ટેબલેટ લોન્ચ કરવા જઈ રહી છે. જે કંપની આ નવા ટેબલેટમાં 10 હજાર mAhની પાવરફુલ બેટરી આપવા જઈ રહી છે.
આ ઉપરાંત આ ટેબલેટમાં 8GB રેમ પણ ઉપલબ્ધ હશે. જો કે, આ પહેલા તેના ટૂંક સમયમાં લોન્ચ થવાની અટકળો જોવા મળી હતી. પરંતુ કંપનીએ તેની લોન્ચ ડેટ પણ જાહેર કરી દીધી છે. કંપની આ નવા ટેબલેટને 23 ઓગસ્ટે લોન્ચ કરવા જઈ રહી છે.
Pocoનું આ નવું ટેબલેટ દેશમાં 23 ઓગસ્ટ 2024ના રોજ બપોરે 12 વાગ્યે લોન્ચ કરવામાં આવશે. તેની સાથે કંપનીએ હાલમાં તેને બ્લુ કલરથી ટીઝ કર્યું છે. Poco તેના Poco Pad 5G સાથે કીબોર્ડ અને પેન પણ ઓફર કરશે.
Poco Pad 5G ડિઝાઇન
આ નવા ટેબલેટની ડિઝાઈનની વાત કરીએ તો તેની નીચેની સાઈટમાં સ્પીકર ગ્રિલ્સ હાજર જોવા મળે છે. તમને યુએસબી ટાઈપ સી પોર્ટ અને નીચેની બાજુએ 3.5 એમએમ ઓડિયો જેક પણ આપવામાં આવશે. લોકોને તેની આકર્ષક ડિઝાઇન પણ ગમશે.
Poco Pad 5G ફીચર્સ
Poco Pad 5G ના ફીચર્સ વિશે વાત કરીએ તો, આ નવા ટેબલેટમાં 12.1 ઇંચની ડિસ્પ્લે ઉપલબ્ધ કરાવવામાં આવશે. આ ડિસ્પ્લે 120hz ના રિફ્રેશ રેટને સપોર્ટ કરશે. આ નવું ટેબલેટ Snapdragon 7s Gen 2 પ્રોસેસર સાથે લોન્ચ કરવામાં આવશે. આ ઉપરાંત આ નવા ટેબલેટમાં 256GB સ્ટોરેજ સાથે 8GB રેમ પણ આપવામાં આવશે.એટલું જ નહીં, આઉટ ઓફ ધ બોક્સ આ ટેબલેટ એન્ડ્રોઇડ 14 ઓપરેટિંગ સિસ્ટમ પર કામ કરશે. કેમેરા સેટઅપની વાત કરીએ તો આ ટેબલેટની બંને બાજુએ 8 મેગાપિક્સલ કેમેરા આપવામાં આવશે. પાવર માટે, Poco Pad 5G માં 10,000mAh ની પાવરફુલ બેટરી આપવામાં આવશે. આ બેટરી 33W ફાસ્ટ ચાર્જિંગને સપોર્ટ કરશે.
Poco Pad 5G કિંમત
હાલમાં પોકોએ આ ટેબલેટની કિંમતો વિશે કોઈ માહિતી શેર કરી નથી. પરંતુ એવું માનવામાં આવે છે કે કંપની આ ટેબલેટને 20 હજાર રૂપિયા સુધીની રેન્જમાં ઉપલબ્ધ કરાવશે.
