વડાપ્રધાન નરેન્દ્ર મોદીની અધ્યક્ષતામાં મળેલી કેબિનેટની બેઠકમાં આજે ઘણા મહત્વના નિર્ણયો લેવામાં આવ્યા હતા. તેમજ હોશિયાર બાળકોના શિક્ષણમાં કોઈ અડચણ ન આવે તે સુનિશ્ચિત કરવા માટે સરકારે PM વિદ્યા લક્ષ્મી યોજનાને મંજૂરી આપી છે. આ ઉપરાંત કેન્દ્રીય મંત્રી અશ્વિની વૈષ્ણવે કેન્દ્ર સરકારના નિર્ણયોની માહિતી આપી હતી.
કેન્દ્ર સરકારે PM વિદ્યાલક્ષ્મી યોજનાને મંજૂરી આપી છે. તેમજ આ યોજનાનો ઉદ્દેશ્ય એ છે કે હોશિયાર વિદ્યાર્થીઓના અભ્યાસમાં કોઈ અડચણ ન હોવી જોઈએ. આ ઉપરાંત કેન્દ્રીય મંત્રી અશ્વિની વૈષ્ણવે કહ્યું કે PM વિદ્યાલક્ષ્મી યોજનાનો લાભ એજ્યુકેશન લોનમાં મળશે. તેમજ તેમણે કહ્યું કે જરૂરિયાતમંદ બાળકોના શિક્ષણ માટે બેંકો પાસેથી વ્યાજબી દરે 10 લાખ રૂપિયા સુધીની એજ્યુકેશન લોન લઈ શકાય છે. આ દરમિયાન વૈષ્ણવે જણાવ્યું હતું કે, હોશિયાર બાળકોના અભ્યાસ માટે બેંકો અને ઉચ્ચ શૈક્ષણિક સંસ્થાઓ પાસેથી લોન લઈ શકશે. તેમજ આ યોજનાની અસરથી પૈસાના અભાવે બાળકોના ઉચ્ચ શિક્ષણમાં કોઈ અડચણ નહીં આવે.
બેંકો અને નાણાકીય સંસ્થાઓ પાસેથી લોન લેવી સરળ બનશે
શિક્ષણ લોન ગુણવત્તાયુક્ત ઉચ્ચ શિક્ષણ સંસ્થા (QHEI) માં પ્રવેશ લેતા વિદ્યાર્થીઓના અભ્યાસક્રમ સંબંધિત ટ્યુશન ફી અને અન્ય ખર્ચાઓને આવરી લેશે. આ દરમિયાન વૈષ્ણવે કહ્યું કે બેંકો અને નાણાકીય સંસ્થાઓ પાસેથી કોલેટરલ ફ્રી, ગેરેન્ટર ફ્રી લોન લઈ શકાય છે.
PM વિદ્યાલક્ષ્મી યોજના શું છે?
વૈષ્ણવે જણાવ્યું કે આવા પરિવારો જેમની વાર્ષિક કૌટુંબિક આવક રૂ. 8 લાખ છે. તેમજ આ પરિવારોના વિદ્યાર્થીઓના શિક્ષણ માટે PM વિદ્યાલક્ષ્મી યોજના હેઠળ 10 લાખ રૂપિયા સુધીની લોન પર 3% વ્યાજ સબસિડી ઉપલબ્ધ થશે. આ ઉપરાંત ભારત સરકાર રૂ. 7.5 લાખ સુધીની લોન પર 75% ક્રેડિટ ગેરંટી આપશે. તેમજ તેમણે કહ્યું કે મિશન મોડ મિકેનિઝમ શિક્ષણના વિસ્તરણને સરળ બનાવશે.
FCIને રૂ. 10,700 કરોડની નવી ઇક્વિટી મૂડી આપવાનો નિર્ણય
હોશિયાર બાળકોના શિક્ષણ ઉપરાંત કેબિનેટે અન્ય ઘણા મહત્વના નિર્ણયો લીધા છે. તેમજ વૈષ્ણવે કહ્યું કે FCI અનાજની પ્રાપ્તિમાં મોટી ભૂમિકા ભજવે છે. ત્યારે આજે ફૂડ કોર્પોરેશન ઓફ ઈન્ડિયા (FCI)ને મજબૂત કરવાનો નિર્ણય પણ લેવામાં આવ્યો હતો. કેબિનેટે FCIને રૂ. 10,700 કરોડની નવી ઇક્વિટી મૂડી પ્રદાન કરવાનો નિર્ણય લીધો છે.
