17મી સપ્ટેમ્બરના રોજ વડાપ્રધાન મોદીનો 69મો જન્મદિન છે. પોતાના જન્મદિનના અવસરે વડાપ્રધાન મોદી ગુજરાતની મુલાકાતે આવશે. ગુજરાતની મુલાકાતે આવનારા વડાપ્રધાન પાણીથી છલોછલ સરદાર સરોવરની મુલાકાત લેશે. વડાપ્રધાન મોદી તેમના જન્મદિને માતા હીરાબાના આશિર્વાદ લેવા જશે.
વડાપ્રધાન મોદીના જન્મદિને સરદાર સરોવર સંપૂર્ણપણે ભરાય જાય તેવી શક્યતા છે. હાલમાં સરદાર સરોવરની સપાટી 137.58 મીટર છે. પીએમની મુલાકાત નીમિતે ડેમ સંપૂર્ણપણે ભરાઈ જશે. વર્ષ 2017માં વડાપ્રધાન મોદીએ સરદાર સરોવર પર મૂકાયેલા દરવાજાનું લોકાર્પણ કરી આ ડેમ દેશને સમર્પિત કર્યો હતો.
ડેમ પર દરવાજા મૂકાયા બાદ ગત વર્ષે ચોમાસું નબળું રહ્યુ હોવાના કારણે ડેમમાં પાણીની આવક ઓછી થઈ હતી. જોકે, આ વર્ષે મધ્ય પ્રદેશમાં પડેલા ભારે વરસાદના કારણે સરદાર સરોવર સંપૂર્ણપણે ભરાયો છે.
