વડાપ્રધાન નરેન્દ્ર મોદી ફરી એક વખત માદરે વતન આવવાના છે. પીએમ મોદી અમદાવાદ ખાતે સાયન્સસિટીની મુલાકાત લઈ હાથ ધરાયેલા વિકાસ કામોનું ઉદ્ઘાટન કરશે. પીએમના આ પ્રવાસને લઈને તંત્રને તૈયારી અંગે સૂચના આપી દેવામાં આવી છે.
ગૃહમંત્રી અમિત શાહના પ્રવાસ બાદ હવે પીએમ મોદી અમદાવાદની મુલાકાતે આવી રહ્યા છે. 12મી જુલાઇએ રથયાત્રા બાદ પીએમ મોદી ગુજરાત પ્રવાસે આવશે.
કયા કયા વિકાસકામોનું લોકાર્પણ કરશે ?
પ્રધાનમંત્રી મોદી સાયન્સ સિટી ખાતે તૈયાર કરવામાં આવેલ એક્વિરિયમનું ઉદ્ઘાટન કરશે. આ સિવાય પ્રવાસ દરમિયાન પીએમ મોદી ગાંધીનગર રેલવે સ્ટેશન પર તૈયાર કરવામાં આવેલ ફાઈવ સ્ટાર હોટલનું પણ ઉદ્ઘાટન કરશે. પીએમ મોદીના પ્રવાસને લઈ તંત્રને તમામ કામગીરીને 10 જ દિવસમાં પૂરી કરી લેવાના રાજ્ય સરકાર દ્વારા નિર્દેશ આપી દેવામાં આવ્યા છે.
