- વડા પ્રધાન મોદીએ શ્રીનગરમાં કહ્યું હતું કે. જમ્મુ અને કાશ્મીરમાં G20નું શાનદાર આયોજન કેવી રીતે થયું તે આખી દુનિયાએ જોયું.
National News : જમ્મુ-કાશ્મીરમાંથી કલમ 370 હટાવ્યા બાદ વડાપ્રધાન નરેન્દ્ર મોદી પહેલીવાર કાશ્મીરની મુલાકાતે છે. આ સમયગાળા દરમિયાન PM શ્રીનગરમાં આયોજિત ઘણા કાર્યક્રમોમાં ભાગલીધો હતો.
કેન્દ્રશાસિત પ્રદેશમાં વિકાસને પ્રાથમિકતા આપતા પીએમએ ગુરુવારે શ્રીનગરમાં આયોજિત એક કાર્યક્રમમાં કહ્યું કે જમ્મુ અને કાશ્મીર માત્ર એક ક્ષેત્ર નથી, તે ભારતનું વડા છે. માથું ઊંચું રાખવું એ વિકાસ અને આદરનું પ્રતીક છે. આવી સ્થિતિમાં વિકસિત જમ્મુ અને કાશ્મીર વિકસિત ભારતની પ્રાથમિકતા છે.
કલમ 370 હટાવ્યા બાદ પ્રથમવાર કાશ્મીરમાં મોદીની વિશાળ રેલી
પૃથ્વી પરના સ્વર્ગમાં આવવાનો આ અહેસાસ અદભૂત છે: અમે દાયકાઓથી આ નવા જમ્મુ-કાશ્મીરની રાહ જોઈ રહ્યા હતા: જમ્મુ-કાશ્મીર ફક્ત ક્ષેત્ર નહીં પણ ભારતનું મસ્તક છે: વડાપ્રધાને શ્રીનગરના સ્ટેડિયમમાં સભા સંબોધી
જમ્મુ-કાશ્મીરમાંથી કલમ 370 હટાવ્યા બાદ આજે પ્રથમ વખત કાશ્મીરના શ્રીનગરમાં વડાપ્રધાન નરેન્દ્ર મોદીની વિશાળ રેલી યોજાઇ હતી. પીએમ મોદીએ કહ્યું, ’પૃથ્વી પરના સ્વર્ગમાં આવવાનો આ અહેસાસ અદભૂત છે. અમે દાયકાઓથી આ નવા જમ્મુ-કાશ્મીરની રાહ જોઈ રહ્યા હતા. જમ્મુ-કાશ્મીર ફક્ત ક્ષેત્ર નહીં પણ ભારતનું મસ્તક છે.કાશ્મીર હવે ખૂલીને શ્વાસ લઈ રહ્યું છે.
વડાપ્રધાન નરેન્દ્ર મોદીએ કાશ્મીરી નાગરિકોને કહ્યું કે, ’મોદી કાશ્મીરીઓના પ્રેમની ઋણ ચૂકવવામાં કોઈ કસર નહીં છોડે. 2014 બાદ હું જ્યારે પણ આવ્યો મેં એ જ કહ્યું કે હું આ મહેનત તમારા દિલ જીતવા કરી રહ્યો છું અને હું એ દિશામાં આગળ વધી રહ્યો છું. આ પહેલા તેમણે યુવા ઉદ્યમીઓ સાથે પણ વાતચીત કરી હતી.’
વડાપ્રધાન મોદીએ આ દરમિયાન જમ્મુ-કાશ્મીરથી આગામી અમુક દિવસમાં શરૂ થનારા પવિત્ર રમઝાન મહિનાની શુભેચ્છા પાઠવી હતી. આ સૌની વચ્ચે તેમણે પરિવારવાદનો મુદ્દો ઊઠાવીને વિપક્ષ સામે નિશાન સાધ્યું હતું. તેમણે કહ્યું કે, ’આ લોકોએ હંમેશા મારા પર શાબ્દિક હુમલા કર્યા છે.’
કાશ્મીર હવે ખૂલીને શ્ર્વાસ લઈ રહ્યું છે: વડાપ્રધાન
કલમ 370નો ઉલ્લેખ કરતાં પીએમ મોદીએ કહ્યું કે,’તેનો કોઈ ફાયદો જ નહોતો. આજે તે હટી ગયા બાદ બધાને સમાન અધિકાર અને સમાન અવસર મળી રહ્યા છે. મેં હંમેશા જમ્મુ-કાશ્મીરને મારો પરિવાર માન્યો છે.’
વડાપ્રધાન નરેન્દ્ર મોદીએ શ્રીનગરના બક્ષી સ્ટેડિયમ ખાતે ડેવલપ ઈન્ડિયા ડેવલપ જમ્મુ અને કાશ્મીર કાર્યક્રમમાં હાજરી આપી હતી અને કેન્દ્રશાસિત પ્રદેશમાં કૃષિ અર્થવ્યવસ્થાને વેગ આપવા માટે આશરે રૂ. 5,000 કરોડની યોજનાઓનું ઉદ્ઘાટન કર્યું હતું. આમાં ’સ્વદેશ દર્શન’ અને ’પ્રસાદ’ (તીર્થસ્થાન કાયાકલ્પ અને આધ્યાત્મિક, હેરિટેજ પ્રમોશન ડ્રાઇવ) યોજનાઓ હેઠળ રૂપિયા 1,400 કરોડથી વધુના પ્રવાસન ક્ષેત્ર સાથે સંબંધિત રાષ્ટ્રવ્યાપી પ્રોજેક્ટ્સનો સમાવેશ થાય છે, જેમાં સંકલિત વિકાસ માટેનો પ્રોજેક્ટ પણ સામેલ છે.
બક્ષી સ્ટેડિયમમાં જાહેર સભાને સંબોધતા પહેલા વડાપ્રધાન મોદીએ 6400 કરોડ રૂપિયાના અનેક વિકાસ પ્રોજેક્ટનું અનાવરણ કર્યું હતું. ઉલ્લેખનીય છે કે 5 ઓગસ્ટ, 2019ના રોજ ભાજપની આગેવાની હેઠળની કેન્દ્ર સરકારે કલમ 370 ની જોગવાઈઓને રદ કરી હતી અને અગાઉના પૂર્ણ રાજ્યનો દરજ્જો ધરાવતા રાજ્યને બે કેન્દ્રશાસિત પ્રદેશો જમ્મુ અને કાશ્મીર તથા લદ્દાખ તરીકે વિભાજિત કરી દીધું હતું. પીએમ મોદીની મુલાકાતને ધ્યાનમાં રાખીને શ્રીનગરમાં વડાપ્રધાનની મુલાકાતના રૂટ પર આવતી ઘણી શાળાઓ બુધવાર અને ગુરુવાર માટે બંધ કરવામાં આવી હતી. જ્યારે એવા પણ અહેવાલ છે કે બોર્ડની પરીક્ષાઓ આવતા મહિના સુધી સ્થગિત કરવામાં આવી હતી
