પાકિસ્તાનમાં પેસેન્જર ટ્રેન હાઈજેક

• પાકિસ્તાનમાં પેસેન્જર ટ્રેન હાઈજેક
• 120 મુસાફરોને બંધક બનાવી લીધાનો બ્લોચ આર્મીનો દાવો
• એક્શન લેશો તો તમામને મારી નાખવાની ધમકી, 6 સૈનિકોના મોત

Pakistan Train Hijack: પાકિસ્તાનમાં આતંકવાદીઓએ આખી ટ્રેન હાઇજેક કરી લીધી છે. બલૂચ લિબરેશન આર્મીએ દાવો કર્યો છે કે, તેણે બોલનમાં જઈને એક્સપ્રેસને હાઇજેક કરી લીધી છે અને 120 થી વધારે લોકોને બંધક બનાવ્યા છે. આ સાથે ચેતાવણી પણ આપી છે કે, જો તેમની સામે કોઈપણ પ્રકારનું સૈન્ય અભિયાન ચલાવવામાં આવ્યું તો તમામને મોતને ઘાટ ઉતારી દેવામાં આવશે. અત્યાર સુધી છ સૈન્યકર્મીને મોતને ઘાટ ઉતારી દીધા છે. મળતી માહિતી મુજબ, ટ્રેનમાં 120 વધારે મુસાફરો સવાર હતા.

બલૂચ લિબરેશન આર્મી (BLA) એ પાકિસ્તાનના બોલાનમાં જાફર એક્સપ્રેસ ટ્રેનને હાઈજેક કરીને 120 મુસાફરોને બંધક બનાવ્યા અને છ સૈન્ય કર્મચારીઓની હત્યા કરવાની જવાબદારી લીધી છે. જૂથે ચેતવણી આપી છે કે તેમની વિરુદ્ધ કોઈપણ લશ્કરી કાર્યવાહીનું પરિણામ તમામ બંધકોને ફાંસી આપવામાં આવશે.

એક નિવેદનમાં, BLA એ કહ્યું કે તેના લડવૈયાઓએ મશ્કફ, ધાદર, બોલાનમાં આયોજિત ઓપરેશન હાથ ધર્યું હતું. “અમારા સ્વાતંત્ર્ય સેનાનીઓએ રેલ્વે પાટા ઉડાવી દીધા હતા, જેના કારણે જાફર એક્સપ્રેસ રોકાઈ ગઈ હતી. લડવૈયાઓએ ઝડપથી ટ્રેન પર નિયંત્રણ મેળવી લીધું હતું અને તમામ મુસાફરોને બંધક બનાવી લીધા હતા,” જૂથે જણાવ્યું હતું.

BLAએ ચેતવણી આપી હતી

કડક ચેતવણી આપતાં જાહેર કર્યું, “જો સૈન્ય કોઈ લશ્કરી કાર્યવાહીનો પ્રયાસ કરશે, તો તેના પરિણામો ગંભીર હશે. તમામ સેંકડો બંધકોને મારી નાખવામાં આવશે અને આ રક્તપાતની જવાબદારી સંપૂર્ણપણે સેનાની રહેશે.” જૂથે જણાવ્યું હતું કે આ હુમલો તેના વિશેષ એકમો – મજીદ બ્રિગેડ, એસટીઓએસ અને ફતેહ સ્ક્વોડ દ્વારા કરવામાં આવ્યો હતો – અને કોઈપણ લશ્કરી હસ્તક્ષેપ સામે બદલો લેવાની પ્રતિજ્ઞા લીધી હતી.

મહિલાઓ અને બાળકોને કર્યા મુક્ત

ઓપરેશન દરમિયાન, BLAના આતંકવાદીઓએ મહિલા, બાળકો અને બલૂચ યાત્રીઓને મુક્ત કરી દીધા છે. મળતી માહિતી મુજબ, BLAની ફિદાયીન યુનિટ, મજીદ બ્રિગેડ આ મિશનનું નેતૃત્વ કરી રહી છે. જેમાં ફતેહ સ્ક્વૉડ અને STOS તેમજ ગુપ્ત શાખા ઝીરાબનો સમાવેશ થાય છે.

બલૂચ સમૂહોએ કરી હુ*મલાની જાહેરાત

થોડા દિવસ પહેલાં બલૂચ જૂથે પાકિસ્તાન અને ચીન સામે એક નવા હુમલાનું એલાન કર્યું હતું. બલૂચ જૂથે તાજેતરમાં જ સિંધી અલગતાવાદી જૂથ સાથે યુદ્ધ અભ્યાસ ખતમ કરી દીધો છે અને બલૂચ રાજી અજાઓઈ સંગર (BRAS) નું સંયુક્ત નિવેદન બહાર પાડવામાં આવ્યું હતું, જેમાં નિર્ણાયક યુદ્ધ વ્યૂહરચના જાહેર કરવામાં આવી હતી. નિવેદનમાં કહેવામાં આવ્યું હતું કે, બલૂચ રાષ્ટ્રીય આંદોલનને નિર્ણાયક તબક્કામાં પહોંચાડવા માટે મુખ્ય નિર્ણય લેવામાં આવ્યા છે. આ બેઠકમાં એ વાત પર સંમતિ બની હતી કે, BRAS જલ્દી બલૂચ રાષ્ટ્રીય સેનાનું રૂપ લેશે.

એકજૂટ થયાં વિદ્રોહી સંગઠન

BRAS ના આગમનથી પાકિસ્તાનમાં ચીન દ્વારા ચલાવવામાં આવતા ઘણા CPEC પ્રોજેક્ટ્સ માટે મોટું જોખમ ઉભું થયું છે. બલૂચ રાજી અજોઈ સંગાર (BRAS) ની સંયુક્ત બેઠક બાદ એક નિવેદન રજૂ કરવામાં આવ્યું હતું, જેમાં ભાગીદાર સંગઠનો – બલૂચ લિબરેશન આર્મી, બલૂચિસ્તાન લિબરેશન ફ્રન્ટ, બલૂચ રિપબ્લિકન ગાર્ડ્સ અને સિંધી લિબરેશન ઓર્ગેનાઇઝેશન સિંધુદેશ રિવોલ્યુશનરી આર્મીએ હાઇલેવલ ડેલિગેશનમાં ભાગ લીધો હતો.