પ્રીતિ પાલે પેરિસ પેરાલિમ્પિક્સમાં 100 મીટર T35 કેટેગરીમાં દેશ માટે બ્રોન્ઝ મેડલ જીત્યો હતો. પ્રીતિ ટ્રેક ઈવેન્ટમાં મેડલ જીતનારી પ્રથમ ભારતીય એથ્લેટ છે. આ રેસ દરમિયાન પ્રીતિએ તેનો અંગત રેકોર્ડ પણ તોડ્યો હતો.
ભારતની પ્રીતિ પાલે મહિલાઓની T35 100 મીટર સ્પર્ધામાં બ્રોન્ઝ મેડલ જીતીને ઈતિહાસ રચ્યો હતો. પેરિસ પેરાલિમ્પિક્સ 2024માં, પ્રીતિએ 14.21 સેકન્ડના તેના વ્યક્તિગત શ્રેષ્ઠ સમયમાં રેસ પૂરી કરી.
પ્રીતિ પાલનું સારું ફોર્મ ચાલ્યું
આ વર્ષે પ્રીતિ પાલનું ફોર્મ સારું ચાલી રહ્યું હતું. તેણે છઠ્ઠી ઈન્ડિયન ઓપન પેરા એથ્લેટિક્સ ચેમ્પિયનશિપમાં બે ગોલ્ડ મેડલ જીત્યા હતા. આ પછી, મે 2024 માં, આ ખેલાડીએ જાપાનના કોબેમાં આયોજિત વર્લ્ડ પેરા એથ્લેટિક્સ ચેમ્પિયનશિપમાં બ્રોન્ઝ મેડલ જીત્યો. તેણે T35 200 મીટર ઈવેન્ટમાં આ મેડલ જીત્યો હતો. આ બ્રોન્ઝ મેડલની સાથે તેણે પેરિસ પેરાલિમ્પિક માટે પણ ક્વોલિફાય કર્યું અને હવે જુઓ ભારતની આ દીકરીએ દેશને તેનો પહેલો ટ્રેક એન્ડ ફિલ્ડ મેડલ અપાવ્યો છે.
23 વર્ષની પ્રીતિ પાલને પેરિસ પેરાલિમ્પિક્સમાં પેરા-એથ્લેટિક્સમાં ભારતનો પ્રથમ બ્રોન્ઝ મેડલ છે. ચીનના ઝુ જિયા (13.58) અને ગુઓ કિયાનકિઆન (13.74)એ અનુક્રમે ગોલ્ડ અને સિલ્વર મેડલ જીત્યા હતા.
ધ્યાન રાખો કે T35 વર્ગીકરણ એ એથ્લેટ્સ માટે છે જેમને હાયપરટોનિયા, એટેક્સિયા અને એથેટોસિસ, તેમજ મગજનો લકવો જેવી સંકલન સમસ્યાઓ છે.
