ઇઝરાઇલ અને પેલેસ્ટાઇન વચ્ચે ઘણા વર્ષોની ચાલી રહેલો તણાવ હવે યુદ્ધનું સ્વરૂપ લઈ રહી છે.ઘટનાની શરૂઆત સોમવારે જેરૂસલેમની અલ-અક્સા મસ્જિદની બહારથી પેલેસ્ટાઈનીયો દ્વારા ઇઝરાયલીઓ પર પથ્થરમારો કર્યા બાદ શરૂ થઈ હતી. સંઘર્ષના બીજા દિવસે હમાસે ઇઝરાઇલ પર 130 રોકેટ ચલાવ્યાં હતાં. આ હુમલામાં એક ભારતીય મહિલા સૌમ્યા સંતોષનું મોત નીપજ્યું હતું. ઇઝરાઇલના વિદેશ મંત્રાલયે આ પુષ્ટિ કરી છે. ભારતમાં ઇઝરાઇલી રાજદૂત ડો.રોન મલકાએ પણ ટ્વીટ દ્વારા આ અંગે માહિતી આપી હતી. સૌમ્યા ઇઝરાઇલનો કેયરટેકર હતી. તે એક 80 વર્ષીય મહિલાની સારવાર કરી રહી હતી. આ હુમલામાં વૃદ્ધ મહિલા ઘાયલ થઈ હતી. હુમલો થયો તે સમયે, સૌમ્યા વીડિયો કોલ ઉપર તેના પતિ સાથે વાત કરી રહી હતી. કહેવામાં આવી રહ્યું છે કે આ બે દિવસીય સંઘર્ષમાં અત્યાર સુધીમાં 38 લોકોના મોત નિપજ્યા છે.
On behalf of the state of #Israel, I convey heartfelt condolences to the family of Ms. Soumya Santosh, murdered by Hamas indiscriminate terror attack on innocent lives.
Our hearts are crying with her 9 years old son that lost his mother in this cruel Terrorist attack.— Ron Malka ?? (@DrRonMalka) May 11, 2021
1967થી ચાલી રહ્યું છે સંઘર્ષ
આ વિવાદ જેરુસલેમના શેખ જાર્રાહને લઈને ચાલી રહ્યો છે. બંને યહૂદીઓ અને મુસ્લિમો આ વિસ્તારને તેમનું પવિત્ર સ્થળ માને છે અને પોતાનો દાવો કરે છે. ઇઝરાઇલ 1967માં આરબ-ઇઝરાયલી યુદ્ધમાં જીત્યા બાદ જેરુસલેમ ડે દર વર્ષે ઉજવે છે. સોમવારે ઇઝરાઇલ આ જીતની ઉજવણી કરી રહ્યો હતો. પેલેસ્ટાઈનોએ તે જ જગ્યાએ અલ અક્સા મસ્જિદની બહાર ઇઝરાયલી સૈનિકો પર પથ્થરમારો કર્યો હતો. આ મસ્જિદ જુના જેરૂસલેમની છે. કેટલાક અંતરે, યહૂદીઓનું મંદિર પર્વત પણ છે. ઇઝરાઇલ જેરુસલેમનો વિકાસ કરી રહ્યું છે, પેલેસ્ટાઇન તેનાથી ખીજાય છે. તે ઇઝરાઇલને રોકવા માટે વિશ્વના દેશોમાંથી માંગણીઓ ઉઠાવી રહ્યો છે. પેલેસ્ટાઇનનો દાવો છે કે આ ક્ષેત્ર તેનો છે.
7 વર્ષ બાદ ફરીથી હિંસક અથડામણ
2014માં બંને દેશો વચ્ચે આવી જ હિંસક અથડામણ થઈ હતી. હમાસના હુમલાનો જવાબ આપતા ઇઝરાયેલે ગાઝા પટ્ટી પર 13 માળની ઇમારતને નિશાન બનાવી હતી. આ બિલ્ડિંગમાં હમાસની પોલિટિકલ વિંગની ઓફિસ છે. હુમલા બાદ હમાસે કહ્યું કે તેણે મંગળવારે સાંજથી 24 કલાકની અંદર 130 રોકેટ ચલાવ્યાં. આ હુમલાથી ઇઝરાઇલને કેટલું નુકસાન થયું છે તે વિશે હજુ કહેવામાં આવ્યું નથી.
હુમલાનો વીડિયો આવ્યો સામે
ઇઝરાઇલ ડિફેન્સ ફોર્સ દ્વારા આ હુમલાનો એક વીડિયો સોશિયલ મીડિયા પર શેર કરવામાં આવ્યો છે. બંને દેશોના સંઘર્ષ બાદ વિશ્વને યુદ્ધના ડરનો સામનો કરવા માંડ્યો છે. માનવામાં આવે છે કે આ હુમલા બાદ ઇઝરાઇલ હમાસ વિરુદ્ધ કોઈ મોટી કાર્યવાહી કરી શકે છે. તેણે ગાઝા સરહદે 5,000થી વધુ સૈન્ય તૈનાત કર્યા છે. આ હુમલા પર પ્રતિક્રિયા આપતા ઇઝરાઇલના પ્રધાનમંત્રી બેન્જામિન નેતન્યાહુએ કહ્યું હતું કે,હમાસે તેની સરહદો પાર કરી દીધી છે. હવે તેને યોગ્ય જવાબ આપવામાં આવશે.
RAW FOOTAGE: This is the moment the Iron Dome intercepted a barrage of rockets over Tel Aviv and central Israel. pic.twitter.com/8jl8OTgWCl
— Israel Defense Forces (@IDF) May 11, 2021
