અગાઉ કેન્દ્રએ પરમીટ સિસ્ટમ દૂર કર્યા બાદ મોટાભાગના રાજ્યોનું તંત્ર તેનાથી અજાણ હોવાથી થતી હતી કનડગત, અંતે કેન્દ્ર સરકાર ફ્રી પરમીટ ઇશ્યુ કરવાની તૈયારીમાં
હવે ફરી કોમર્શીયલ ઇ-વ્હીકલ માટે પરમીટ ઇસ્યુ કરાવવી પડશે. અગાઉ કેન્દ્રએ પરમીટ સિસ્ટમ દૂર કર્યા બાદ મોટાભાગના રાજ્યોનું તંત્ર તેનાથી અજાણ હોવાથી કનગડતા સર્જાતી હતી. જેથી અંતે કેન્દ્ર સરકાર ફ્રી પરમીટ ઇસ્યુ કરવાની તૈયારી શરૂ કરી છે.
ઇ-વ્હીકલને પ્રોત્સાહન આપવા આગળ માટે કેન્દ્ર સરકારે કોમર્શિયલ ઇલેક્ટ્રિક વાહનો માટેની પરમિટ સિસ્ટમને દૂર કર્યાના બે વર્ષ પછી, હવે સરકાર “શૂન્ય” ફી પર આવી પરમિટ ઇશ્યૂ કરવાની તૈયારી કરી રહી છે. કોમર્શિયલ ઇ-વ્હીકલના માલિકોએ સ્થાનિક રાજ્ય પરિવહન અધિકારીઓના પરમિટના દસ્તાવેજો માંગવા અને કેન્દ્ર સરકારના નોટિફિકેશનમાં આ વાહનો માટે પરમિટની આવશ્યકતા નથી તે સ્પષ્ટ હોવા છતાં તેઓ પાસે ન હોવા માટે તેમને હેરાન કરવાના મુદ્દાને ફ્લેગ કર્યા પછી આ કરવામાં આવી રહ્યું છે.
સૂત્રોએ જણાવ્યું હતું કે આ મુદ્દો માર્ગ પરિવહન પ્રધાન નીતિન ગડકરીના ધ્યાન પર લાવવામાં આવ્યો હતો અને મંત્રાલયના અધિકારીઓ સાથેની તાજેતરની બેઠકમાં તેમણે વિભાગને નવા ધોરણને સૂચિત કરવા નિર્દેશ આપ્યો હતો. “વાણિજ્યિક ઇ- વ્હીકલ માલિકો અથવા ડ્રાઇવરોને કોઈપણ પ્રકારની હેરાનગતિનો ભોગ ન બને તે સુનિશ્ચિત કરવા માટે આ એક વ્યવહારુ ઉકેલ હશે. તેમને કોઈપણ ચાર્જ વગર દસ્તાવેજ મળી જશે. આ એક સત્તાવાર પુરાવા તરીકે કામ કરશે અને કોઈપણ સંઘર્ષ ટાળવામાં મદદ કરશે, એક અધિકારીએ જણાવ્યું હતું.
2 વર્ષ પૂર્વે પરમીટમાંથી અપાઈ હતી મુક્તિ
18 ઑક્ટોબર, 2018ના રોજ, મંત્રાલયે એક નોટિફિકેશન બહાર પાડ્યું હતું જેમાં બેટરી સંચાલિત વાહનો અને મિથેનોલ અથવા ઇથેનોલ પર ચાલતા વાહનોને મુસાફરો અથવા માલસામાન વહન કરવા માટે પરમિટની જરૂરિયાતમાંથી મુક્તિ આપવામાં આવી હતી.
કેન્દ્રના નિયમની અમલવારી ન થતા ટ્રાન્સપોર્ટરો હેરાન થતા હતા
કેટલાક ટ્રાન્સપોર્ટરોએ જણાવ્યું હતું કે સરકારે ખાતરી કરવાની જરૂર છે કે તમામ રાજ્યો કેન્દ્ર દ્વારા સૂચિત નિયમનું પાલન કરે. જ્યારે કોઈ વ્યક્તિ કોમર્શિયલ વાહનની નોંધણી કરાવે છે. ત્યારે ઇવી માટે પરમિટ આપોઆપ જારી થવી જોઈએ. સરકારે એ સુનિશ્ચિત કરવું જોઈએ કે કોઈએ પણ આવી પરમિટ માટે અરજી કરવાની જરૂર નથી.
