હવે લાલકૃષ્ણ અડવાણી પણ ‘ભારત રત્ન’

• લાલકૃષ્ણ અડવાણી દેશના સૌથી પ્રતિષ્ઠિત રાજકારણીઓ પૈકીના એક, ભારતના વિકાસમાં તેમનું યોગદાન અવિસ્મરણીય છે: નરેન્દ્ર મોદી 

ભારતીય જનતા પાર્ટીના સ્થાપક ચહેરાઓમાંના એક અને દિગ્ગજ નેતા લાલકૃષ્ણ અડવાણીને ‘ભારત રત્ન’ આપીને સન્માનિત કરવામાં આવશે. વડાપ્રધાન નરેન્દ્ર મોદીએ આ અંગે ટ્વિટ કરીને માહિતી આપી છે. પીએમ મોદીએ તેમની પોસ્ટમાં કહ્યું કે, અડવાણીજીએ પોતાને ગૃહપ્રધાન અને માહિતી અને પ્રસારણ પ્રધાન તરીકે અલગથી રજૂ કર્યા હતા. પીએમ મોદીએ લખ્યું કે, લાલકૃષ્ણ અડવાણીને ‘ભારત રત્ન’ આપીને સન્માનિત કરવામાં આવશે. પીએમ મોદીએ કહ્યું કે મને જણાવતા ખૂબ જ આનંદ થાય છે કે લાલકૃષ્ણ અડવાણીજીને ભારત રત્નથી સન્માનિત કરવામાં આવશે. મેં તેમની સાથે પણ વાત કરી અને તેમને આ સન્માનથી સન્માનિત કરવા બદલ અભિનંદન પાઠવ્યા. આપણા સમયના સૌથી પ્રતિષ્ઠિત રાજકારણીઓમાંના એક, ભારતના વિકાસમાં તેમનું યોગદાન અવિસ્મરણીય છે. તેમના જીવનની શરૂઆત પાયાના સ્તરે કામ કરવાથી લઈને આપણા નાયબ વડાપ્રધાન તરીકે દેશની સેવા કરવા સુધીની હતી.

તેમણે ગૃહમંત્રી અને માહિતી અને પ્રસારણ મંત્રી તરીકે પણ પોતાની ઓળખ બનાવી છે. તેમના સંસદીય હસ્તક્ષેપ હંમેશા અનુકરણીય અને સમૃદ્ધ આંતરદૃષ્ટિથી ભરેલા રહ્યા છે. જાહેર જીવનમાં અડવાણીજીની દાયકાઓ સુધીની સેવા પારદર્શિતા અને અખંડિતતા પ્રત્યેની અતૂટ પ્રતિબદ્ધતા દ્વારા ચિહ્નિત કરવામાં આવી છે, જેણે રાજકીય નીતિશાસ્ત્રમાં એક અનુકરણીય ધોરણ સ્થાપિત કર્યું છે. તેમણે રાષ્ટ્રીય એકતા અને સાંસ્કૃતિક પુનરુત્થાન માટે ઉત્તમ પ્રયાસો કર્યા છે. તેમને ભારત રત્નથી સન્માનિત કરવી મારા માટે ખૂબ જ ભાવનાત્મક ક્ષણ છે. હું હંમેશા તેને મારું સૌભાગ્ય ગણીશ કે મને તેમની પાસેથી શીખવાની અગણિત તકો મળી છે.તાજેતરમાં, બિહારના મુખ્ય પ્રધાન અને અન્ય પછાત વર્ગોના અગ્રણી નેતા કર્પૂરી ઠાકુરને મરણોત્તર ભારત રત્ન માટે પસંદ કરવામાં આવ્યા હતા. ભારત રત્ન એવોર્ડ એ ભારતનો સર્વોચ્ચ નાગરિક પુરસ્કાર છે,

જે સૌપ્રથમ વર્ષ 1954માં ભૂતપૂર્વ રાષ્ટ્રપતિ ડો. સર્વપલ્લી રાધાકૃષ્ણનને આપવામાં આવ્યો હતો. જનસેવા, સાહિત્ય, વિજ્ઞાન અને કલા જેવા ક્ષેત્રોમાં અસાધારણ કાર્ય કરનારને ભારત રત્ન આપવામાં આવે છે. એક વર્ષમાં વધુમાં વધુ 3 લોકોને ભારત રત્ન પુરસ્કારથી સન્માનિત કરવામાં આવે છે. આ એવોર્ડ ભારતના રાષ્ટ્રપતિ દ્વારા આપવામાં આવે છે.સંરક્ષણ પ્રધાન રાજનાથ સિંહે કહ્યું કે આપણા બધા માટે પ્રેરણારૂપ એવા આદરણીય લાલકૃષ્ણ અડવાણીને ભારત રત્ન એનાયત કરવાના નિર્ણયથી ખૂબ જ આનંદ અને ખુશી મળી છે. તેઓ રાજકારણમાં પવિત્રતા, સમર્પણ અને નિશ્ચયનું પ્રતીક છે. અડવાણીએ તેમના લાંબા જાહેર જીવન દરમિયાન વિવિધ ભૂમિકાઓમાં દેશના વિકાસ અને રાષ્ટ્ર નિર્માણમાં જે મહત્વનું યોગદાન આપ્યું છે તે અવિસ્મરણીય અને પ્રેરણાદાયી છે.

લાલકૃષ્ણ અડવાણીને ભારત રત્ન આપવાના નિર્ણયને આવકારતા કોર્પોરેશનના પદાધિકારીઓ

ભારતીય જનતા પાર્ટીના વરિષ્ઠ નેતા  લાલકૃષ્ણ અડવાણીજીને ભારતરત્ન એવોર્ડ આપવાની જાહેરાતને મહાપાલિકાના પદાધિકારીઓએ આવકારી હતી.  મેયર શ્રીમતિ નયનાબેન પેઢડીયા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીન ઠાકર, શાસકપક્ષ નેતા શ્રીમતિ લીલુબેન જાદવ, દંડક મનીષભાઈ રાડીયાએ  જણાવ્યું હતું કે, ભારતીય જનતા પાર્ટીના વરિષ્ઠ નેતા  લાલકૃષ્ણ અડવાણીને વડાપ્રધાન  નરેન્દ્રભાઈ મોદી દ્વારા આજે  ટ્વીટ કરી ભારતરત્ન એવોર્ડ આપવાની જાહેરાત કરેલ છે. આ જાહેરાતને  મહાપાલિકાના પદાધિકારીઓએ હર્ષભેર આવકારી લાલકૃષ્ણ અડવાણીને શુભેચ્છા અને ખુબ ખુબ અભિનંદન પાઠવે છે.

અડવાણી ભારતીય જનતા પાર્ટીના નિર્માણમાં પાયાના પથ્થર: વિજયભાઈ રૂપાણી

બીજી તરફ પૂર્વ મુખ્યમંત્રી વિજયભાઈ રૂપાણીની પ્રતિક્રિયા સામે આવી છે.તેમણે જણવ્યું કે,મેં અડવાણીજીની સાથે કામ કર્યું છે જ્યારે સાથે કામ કરનારા નેતાઓને ભારત રત્ન મળે છે એ મારા માટે ખુશીની વાત છે. અડવાણીજી ભારતીય જનતા પાર્ટીના નિર્માણમાં પાયાના મનુષ્ય રહ્યા છે.અડવાણીજી શાંત સ્વભાવના અને ખૂબ નોલેજ ધારાવાતા વ્યક્તિ છે અને આજે જ્યારે એમને એવોર્ડ મળ્યો છે ત્યારે ખૂબ ગર્વની વાત છે.

અડવાણીજીએ ભારતના વિકાસમાં મહત્વનું યોગદાન આપ્યું છે: સી આર પાટીલ

બીજી તરફ ગુજરાત પ્રદેશ અધ્યક્ષ સીઆરપાટીલે એક્સ પર પોસ્ટ કરીને કહ્યું કે,આ આપણા બધા માટે ખૂબ જ ગર્વની વાત છે.રાષ્ટ્રવાદના મૂળ વિચારને હંમેશા અનુસરનારા અડવાણીજીએ ભારતના વિકાસમાં મહત્વનું યોગદાનઆપ્યું છે.

ભારત રત્ન આવોર્ડ એમને મળવા પાત્ર છે. પ્રધાનમંત્રી મોદીજીએ એમને આ આવોર્ડ આપીને સન્માનિત કર્યા છે