વાતાવરણમાં બદલાવની સાથે ઉત્પાદનમાં ઘટાડો આવતા ભાવ વધ્યા
જો તમારા દરેક દિવસની શરૂઆત એક કપ કોફીથી થાય છે, તો આ સમાચાર ફક્ત તમારા માટે છે. વાસ્તવમાં માંગ કરતા પુરવઠો ઓછો હોવાને કારણે કોફીના ભાવમાં ફરી એકવાર વધારો જોવા મળી શકે છે. હાલમાં કોફીના ભાવમાં વધારો જોવા મળી રહ્યો છે. આગામી સમયમાં તેમાં વધુ વધારો થવાની સંભાવના છે. અરેબિકા કોફીના ભાવ હાલમાં 4 મહિનાની સર્વોચ્ચ સપાટીએ પહોંચી ગયા છે. એક સપ્તાહમાં જ ભાવમાં 6 ટકાનો વધારો થયો છે. તેમજ રોબસ્ટા કોફીના ભાવમાં 3 ટકાનો વધારો થયો છે. રોબસ્ટાનો ઉપયોગ ઇન્સ્ટન્ટ કોફીમાં થાય છે, જ્યારે અરેબિકા એ સ્ટબ્સ અને અન્ય કોફી ચેઇન્સની પસંદગીની પસંદગી છે.
કોફીના ભાવ વધવાનું મુખ્ય કારણ માંગની સરખામણીએ પુરવઠામાં અછતની આશંકા છે. એક અહેવાલમાં અનુમાન લગાવવામાં આવ્યું છે કે આગામી સિઝનમાં માંગ કરતાં પુરવઠો 38 લાખ બેગ ઓછો રહી શકે છે. ઓગસ્ટથી આગામી એક વર્ષ દરમિયાન સપ્લાયને લઈને સમસ્યા યથાવત રહી શકે છે. વાસ્તવમાં, હવામાનમાં ફેરફારને કારણે, બ્રાઝિલમાં ઉત્પાદનને અસર થઈ છે, જેના કારણે સપ્લાયમાં ઘટાડો થવાની સંભાવના છે.
ઈન્ટરનેશનલ કોફી ઓર્ગેનાઈઝેશનના સુત્રોના જણાવ્યા મુજબ ભાવની તેજીમાં ૧૧થી ૧૨ વર્ષનો રેકોર્ડ તાજેતરમાં તૂટયો છે. જર્મનીમાં ઈન્સ્ટન્ટ કોફીના ભાવ ૧૮થી ૨૦ ટકા વધી ગયા છે. રોબસ્ટાની અછત વચ્ચે અમેરિકામાં પણ ભાવ ઉંચા ગયા છે. કોફી ઉગાડતા અમુક ખેડૂતો એવેકેડોના ઉત્પાદન તરફ પણ વળ્યાના વાવડ મળ્યા છે. બ્રાઝીલમાં દુકાળના પગલે પણ કોફીના પુરવઠાપર અસર જોવા મલી છે. ઈન્ડોનેશિયામાં વધુ પડતા વરસાદથી પાક પર અસર પડી છે.
રોબુસ્ટામાં 50 ટકા, એરેબીકમાં 15 ટકા ભાવનો વધારો નોંધાયો છે. જે કોફી નો વ્યવસાય કરે છે તેમનું માનવું છે કે આવનારા દિવસોમાં જો ભાવમાં ઘટાડો નહીં આવે તો છેલ્લે ભાવ વધારાની અસર કોફી ધારકો ઉપર જોવા મળશે. હાલના તબક્કે વાતાવરણમાં થતા બદલાવની સાથોસાથ વિતરણ વ્યવસ્થા ખોળવાતા કોફી માર્કેટમાં સતત બદલાવ જોવા મળી રહ્યા છે.
