૧૯૫ કિલો અખાદ્ય બરફનાં જથ્થાનો પણ નાશ કરાયો
કોર્પોરેશનની ફુડ શાખા દ્વારા આજે શહેરનાં અલગ-અલગ વિસ્તારોમાં ૭ આઈસ ફેકટરીઓમાં ચેકિંગ હાથ ધરવામાં આવ્યું હતું જે અંતર્ગત મળી આવેલો ૧૯૫ કિલો અખાદ્ય બરફનાં જથ્થાનો નાશ કરી ૩ આઈસ ફેકટરીને નોટીસ ફટકારવામાં આવી છે.
ફુડ શાખા દ્વારા આજે કોઠારીયામાં લાભ આઈસ ફેકટરી, રેસકોર્સ ચોકમાં નાથ આઈસ ફેકટરી, વાવડીમાં નવદુર્ગા આઈસ ફેકટરી, નવરંગપરામાં ક્રિષ્ના ફિઝીંગ, મોચી બજારમાં ભાગ્યોદય આઈસ ફેકટરી, ડિલકસ ચોકમાં નૂતન સૌરાષ્ટ્ર આઈસ ફેકટરી અને કોઠારીયામાં મહાદેવ આઈસ ફેકટરીમાં ચેકિંગ હાથ ધરાયું હતું.
નવદુર્ગા, ક્રિષ્ના અને નૂતન સૌરાષ્ટ્ર આઈસ ફેકટરીમાંથી ૧૯૫ કિલો અખાદ્ય બરફનો જથ્થો પકડાતા ત્રણેય આઈસ ફેકટરીને નોટીસ ફટકારવામાં આવી છે.
