- રાપર બેલા ગામમાં ચાર જેટલા શખ્સોએ 13 વર્ષીય પ્રવીણ રાઠોડની તીક્ષ્ણ હથિયાર વડે કરી હ-ત્યા
- મોબાઇલ ગેમના કારણે કરાઈ હ-ત્યા
- સમગ્ર મામલે પોલીસે વઘુ તપાસ હાથ ધરી
કચ્છના રાપરના બેલા ગામમાં ચાર જેટલા શખ્સે પ્રવીણ રાઠોડની તીક્ષ્ણ હથિયારના ઘા મારી ઘાતકી હ-ત્યા નીપજાવી હોવાનો બનાવ બહાર આવતાં ભારે ચકચાર પ્રસરી છે. આ મામલે પોલીસ ફરિયાદ નોંધવા સહિતની તજવીજ હાથ ધરવામાં આવી છે. આ અંગે મળતી વિગતો મુજબ આ બનાવ હતભાગી યુવાન મજૂરી કરીને પરત આવતો હતો. આ અરસામાં તેના પરિચિત એવા ચારેક યુવાનો સાથે બેઠો હતો. આ દરમ્યાન સંભવત મોબાઈલ ગેમના પોઈન્ટ બાબતે કોઈ ડખો થયો હતો અને ઉશ્કેરાયેલા ચાર જેટલા લોકોએ છરીના ઉપરાઉપરી ઘા મારીને ઘાતકી હ-ત્યા નીપજાવી હતી.
અનુસાર માહિતી મુજબ, કચ્છના રાપર તાલુકાના બેલા ગામે માત્ર 13 વર્ષના સગીરની તીક્ષ્ણ હથિયારથી ગળું કાપીને હ-ત્યા કરાતા ચકચાર મચી ગઈ હતી. પોલીસ સૂત્રોના અનુસાર ગતરોજ બપોરે રાપર તાલુકાનાં બેલા ગામ ખાતે આવેલા બિલેશ્વર મહાદેવના બગીચા પાસે એક સગીરનો મૃ*તદેહ પડ્યો હોવાની જાણ પરિવારજનો અને બાલાસર પોલીસને કરાઈ હતી. જેથી તાત્કાલિક ઘટના સ્થળે પરિવારજનો અને પોલીસ પહોંચી હતી.
બેલા ગામની અલીયાજીની વસ્તીમાં રહેતા પ્રવીણ નામેરી રાઠોડ (ઉં.13) નામના સગીરનો મૃ-તદેહ લોહીલુહાણ હાલતમાં પડ્યો હતો, તેના શરીર પર તીક્ષ્ણ હથિયાર વડે ઘા મારવામાં આવ્યા હોવાથી તેને રાપર સરકારી હોસ્પિટલ ખાતે ખસેડાયો હતો. મૃત-કના ભાઈ દ્વારા જાણવા જોગ કરતાં બાલાસર પોલીસે PM તથા ફરિયાદ નોંધાવા સહિતની કામગીરી હાથ ધરી હતી. માત્ર 13 વર્ષના સગીરની હ-ત્યા કરાતા પોલીસ બેડામાં ભારે દોડધામ મચી પડી હતી અને પોલીસે વધુ તપાસ હાથ ધરી હતી. હ-ત્યારાઓ દ્વારા સગીરને ગળાનાં ભાગે ઉપરાઉપરી તીક્ષ્ણ હથિયારથી ઘા મરાયા હતા.
ઓનલાઈન ગેમ કારણ બની હતી
રાપર સરકારી હોસ્પિટલ ખાતે લવાયેલા સગીરના મૃતદેહ બાબતે તેના ભાઈએ જણાવ્યું કે સગીર છઠ્ઠા ધોરણમાં ભણતો હતો. સવારે અમારી સાથે જીરું વાઢવા આવ્યો હતો અને બપોરે ઘરેથી જમીને તેના મિત્રો સાથે નજીક આવેલા બિલેશ્વર મહાદેવનાં મંદિર પાસે આવેલા બગીચામાં ગેમ રમતા હતા. જ્યાં કોઈ કારણોસર સગીર ઉપર હુમલો કરીને મોતને ઘાટ ઉતારાયો હોય તેવું નજીકના લોકો સાથે વાતચીતમાં જણાવી રહ્યા છે. સગીર વયના બાળકની હત્યાના બનાવ અંગેની જાણ થતાં ભચાઉ નાયબ પોલીસ અધિક્ષક ઘટના સ્થળે દોડી આવ્યા હતા.
