મધ્યપ્રદેશના જબલપુરનો બનાવ : 70 વર્ષના વ્યક્તિને જેલ થઈ, પણ તેની બદલે 45 વર્ષના બીજા વ્યક્તિને 84 દિવસ જેલમાં રખાયો : પીડિતે તંત્ર સમક્ષ માંગ્યો ન્યાય
મધ્યપ્રદેશના જબલપુરમાં 70 વર્ષીય વેપારીને બદલે 45 વર્ષીય વ્યક્તિ 84 દિવસથી જેલમાં છે. જેલમાંથી બહાર આવ્યા બાદ તે વ્યક્તિ દ્વારા આરોપ લગાવવામાં આવ્યો છે કે, મને કોર્ટમાં લઈ ગયા બાદ આરોપી અનિરુદ્ધ ખાંપરિયાના સ્થાને મને જેલમાં ધકેલી દેવામાં આવ્યો હતો. પીડિતે કહ્યું કે મેં જેલ સત્તાધીશોને કહ્યું હતું કે હું આરોપી નથી પરંતુ કોઈએ મારી દલીલ પર ધ્યાન આપ્યું નથી. પરંતુ સવાલ એ પણ છે કે તેણે કોર્ટમાં જઈને પેપર પર સહી કેમ કરી. શું તે આરોપી સાથે હતો, પીડિતા સાથે કોઈ વ્યવહાર હતો. આ તમામ મુદ્દાઓની તપાસ કરવામાં આવશે. જબલપુરના એસપી સિદ્ધાર્થ બહુગુણાએ સમગ્ર મામલાની તપાસ સિટી એસપીને સોંપી છે.
પીડિત કોમલ પાંડેએ કહ્યું છે કે તે નિર્દોષ છેકોમલ પાંડેની ફરિયાદ અનુસાર, કાન્હા રિઝર્વ પાર્ક પાસે ટોલ વસૂલાતનો કોન્ટ્રાક્ટ લેનાર અમિત ખામપરિયા નામના સ્થાનિક વેપારીની પાછળથી વધુ ચાર્જ વસૂલવા અને રસીદની ગેરરીતિ માટે તપાસ કરવામાં આવી હતી. આ કેસમાં અમિત, તેના પિતા અને અન્ય ઘણા લોકો વિરુદ્ધ કેસ નોંધવામાં આવ્યો હતો. તમામ આરોપીઓને જામીન મળી ગયા છે.
પાંડેએ આરોપ લગાવ્યો કે 15 સપ્ટેમ્બર, 2021ના રોજ અમિત તેને અને અન્ય ત્રણ-ચાર લોકોને માંડલા ડિસ્ટ્રિક્ટ કોર્ટમાં લઈ ગયો અને કેટલાક કાગળો પર સહી કરાવી લીધી. કોર્ટે અમિત, તેના પિતા અને ત્રીજા આરોપીને પાંચ વર્ષની જેલની સજા ફટકારી હતી. તે જ સમયે, કોમલ પાંડેએ જણાવ્યું કે, 22 સપ્ટેમ્બર 2021ના રોજ, અમિતના લોકો તેને ફરીથી કોર્ટમાં લઈ ગયા અને અમિતના પિતા અનિરુદ્ધ ખાંપરિયાના નામ પર તેની સહી કરાવી. આ પછી પોલીસ તેને અને અન્ય બે લોકોને અન્ય કોઈના નામે જેલમાં લઈ ગઈ.
હું જેલ અધિકારી એ કહેતો કે આરોપી તો 70 વર્ષનો છે, હું 45 વર્ષનો છું : પીડિત
કોમલ પાંડેએ કહ્યું કે મને માત્ર ન્યાય જોઈએ છે. હું જેલ અધિકારીઓને કહેતો રહ્યો કે મારી ઉંમર 45 વર્ષ છે અને આરોપી 70 વર્ષનો છે, પરંતુ કોઈએ મારી વાત સાંભળી નહીં. તેણે એમ પણ કહ્યું કે જેલમાંથી બહાર આવ્યા બાદ હું તણાવમાં હતો, તેથી મેં ફરિયાદ નોંધાવવા માટે સમય લીધો. મને ન્યાય સિવાય બીજું કંઈ જોઈતું નથી અને હું નિર્દોષ હોવાના કારણે નિર્દોષ છૂટવા ઈચ્છું છું. કોમલ પાંડેએ કહ્યું કે અન્ય કોઈએ ગુનો કર્યો છે અને હું જેલમાં છું.
પોલીસે બનાવની ગંભીરતા જોઈને તપાસનો ધમધમાટ શરૂ કર્યો
જબલપુરના એસપી સિદ્ધાર્થ બહુગુણાએ કહ્યું કે ફરિયાદની ગંભીરતાને જોતા તપાસ શરૂ કરી દેવામાં આવી છે. બાર્ગી સીએસપી આઈપીએસ પ્રિયંકા શુક્લાને તપાસ સોંપવામાં આવી છે. તપાસકર્તા પ્રિયંકા શુક્લાએ કહ્યું કે અમે મંડલા કોર્ટ પાસેથી કેટલાક દસ્તાવેજો માંગ્યા છે. ફરિયાદમાં નામ આપવામાં આવેલ અન્ય બે વ્યક્તિઓને નોટિસ આપવામાં આવી હતી પરંતુ તેઓ હાજર થયા ન હતા. અમે ફરીથી નોટિસ જારી કરી છે. ફરિયાદીનું નિવેદન નોંધવામાં આવ્યું છે. અમારી તપાસ ચાલુ છે.
