કાલે લોકડાયરામાં શાહબુદીન રાઠોડ, સાંઈરામ દવે અને દિગુભા ચુડાસમા જમાવટ કરાવશે
નિજાનંદ ચેરીટેબલ ટ્રસ્ટ દ્વારા અને રાજેન્દ્રસિંહ ઝાલા પરિવાર દ્વારા નાના મૌવા સર્કલ ખાતે શ્રીમદ્ ભાગવત કથાનું આયોજન કરવામાં આવેલ જેમાં રંગ મહલ હરિદ્વારથી પધારેલ સુધાકર મહારાજ કથાનું પાન કરાવી રહ્યા છે.૧૩ ડિસેમ્બર સુધી નિજાનંદ ચે.ટ્રસ્ટ ઉપક્રમે ઝાલા પરિવારના યજમાન પદે શ્રીમદ્ ભાગવત કથાનું આયોજન થયું છે. ગઈકાલે પોથીયાત્રા નિકળી હતી. આ કથામાં ભવ્ય શોભાયાત્રા પણ કાઢવામાં આવેલ હતી તેમજ પ્રણામી સંપ્રદાયના તેમજ શુભેચ્છકો જોડાયા હતા. તેમજ કથાનો માહોલ જામતો જાય છે. તેમજ આવનારા શ્રોતાગણને સરળ શૈલીમાં કથાનું
રસપાન કરાવે છે. તેમજ રાજકોટ અને ધર્મપ્રેમી લોકોને કથા શ્રવણ કરવા માટે આમંત્રણ આપેલ છે. તેમજ આજે રાત્રે સાંસ્કૃતીક કાર્યક્રમો પણ રાખેલ છે. આવતીકાલે છત્રસાલજી મહારાજનું લીલા ભજવવામાં આવશે. તા.૧૧ના રોજ શાહબુદીન રાઠોડ, દિગુભા ચુડાસમા, સાંઈરામ દવે જેવા હાસ્ય કલાકારો ઉપસ્થિત રહેશે તા.૧૨ના રોજ પ્રમોદ સુધાકરજી દ્વારા રાસગરબાના કાર્યક્રમનું આયોજન પણ કરવામાં આવ્યું હતુ. તા.૧૩ના રોજ પૂર્ણાંહુતિ સારો મહાપ્રસાદનું આયોજન કરાયું છે.
