રૂટિન ચેક અપ માટે જ ખાનગી વોર્ડમાં દાખલ થયાની ચર્ચા
દેશના નાણાંમંત્રી નિર્મલા સીતારમનને દિલ્હી એઇમ્સમાં દાખલ કરવામાં આવ્યા છે. જો કે તેમને માત્ર રૂટિન ચેકઅપ માટે જ દાખલ કરવામાં આવ્યા હોવાનું જાણવા મળ્યું છે.
નાણામંત્રી નિર્મલા સીતારમણને ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સ એટલે કે એઇમ્સમાં દાખલ કરવામાં આવ્યા છે. 63 વર્ષીય સીતારમણને એઇમ્સ હોસ્પિટલના ખાનગી વોર્ડમાં દાખલ કરવામાં આવ્યા છે. સૂત્રો પાસેથી મળેલી માહિતીમાં એવું કહેવામાં આવ્યું છે કે બપોરે લગભગ 12 વાગ્યે દેશના નાણામંત્રી નિર્મલા સીતારમણને હોસ્પિટલમાં લઈ જવામાં આવ્યા હતા. સીતારમણના સ્વાસ્થ્ય વિશે વધુ માહિતીની રાહ જોવાઈ રહી છે.ગઈ કાલે, નાણા પ્રધાન નિર્મલા સીતારમણે ભૂતપૂર્વ વડા પ્રધાન અટલ બિહારી વાજપેયીને તેમની જન્મજયંતિ પર દિલ્હીમાં તેમની સમાધિ ’સદૈવ અટલ’ પર પુષ્પાંજલિ અર્પણ કરી હતી. જ્યારે તાજેતરમાં તમિલનાડુની એક યુનિવર્સિટીમાં દીક્ષાંત સમારોહ દરમિયાન નાણામંત્રી સીતારમણે કહ્યું હતું કે ભારત હવે વિશ્વની ફાર્મસી તરીકે ઉભરી આવ્યું છે. કારણ કે દેશ પોષણક્ષમ કિંમતે વિશ્વ કક્ષાની દવાનું ઉત્પાદન કરે છે.
સંસદના શિયાળુ સત્રની સાથે જ તેમની હાલની સક્રિયતા વચ્ચે તેમના અચાનક હોસ્પિટલમાં આગમનથી બધાને આશ્ચર્ય થયું છે.કહેવામાં આવી રહ્યું છે કે નિર્મલા સીતારમણ રૂટીન ચેકઅપ માટે એઈમ્સ પહોંચ્યા છે. તે રૂટિન ચેકઅપ પછી ઘરે જઈ શકે છે.
