જામનગર સમાચાર
જામનગર મહાનગરપાલિકા દ્વારા રાત્રી સફાઈ ની ઝુંબેશ શરૂ કરવામાં આવી છે, ત્યારે ગઈકાલે રાત્રે શહેરના લીમડાલેન સહિતના વિસ્તારમાં સફાઈ ઝુંબેશ હાથ ધરવામાં આવી હતી. દરમિયાન નગરના મેયર વિનોદભાઈ ખીમસુરીયા, સ્ટેન્ડિંગ કમિટી ના ચેરમેન નિલેશભાઈ કગથરા, શાસક જૂથના નેતા આશિષ જોષી દંડક કેતનભાઇ નાખવા સહિતના મહાનગરપાલિકાના પદાધિકારીઓ જોડાયા હતા, અને નિરીક્ષણ કર્યું હતું.
રાત્રી સફાઈ કરનારા સફાઈ કામદારોને સ્ટેન્ડિંગ કમિટીના ચેરમેન નિલેશભાઈ કગથરા ના પ્રયાસોથી જામનગર ના હાપા સ્થિત જલારામ સેવા ટ્રસ્ટ દ્વારા થેપલા સૂકીભાજી સહિતના ચા-પાણી નાસ્તાની વ્યવસ્થા કરવામાં આવી હતી. આ વેળાએ જલા રામ સેવા ટ્રસ્ટના રમેશભાઈ દતાણીની ટીમ પણ જોડાઈ હતી.
સાગર સંઘાણી
