પંજાબ, હરિયાણા, રાજસ્થાન, દિલ્હી, ચંદીગઢ, પંજાબ, ગુજરાત અને મધ્યપ્રદેશમાં એનઆઈએનું મોટું ઓપરેશન
ગાંધીધામમાં ગેંગસ્ટર લોરેન્સ બિશ્નોઈના નજીકના સાથીના ઘર અને ઓફિસની તપાસ
ટેરર ફન્ડિંગ મામલે એનઆઈએએ મોટું ઓપરેશન હાથ ધર્યું છે. જેમાં પંજાબ, હરિયાણા, રાજસ્થાન, દિલ્હી, ચંદીગઢ, પંજાબ, ગુજરાત અને મધ્યપ્રદેશમાં દરોડાની કાર્યવાહી હાથ ધરવામાં આવી છે.એનઆઈએએ ગુજરાતના ગાંધીધામમાં પણ દરોડા પાડયાનું જાણવાં મળ્યું છે.
નેશનલ ઇન્વેસ્ટિગેશન એજન્સી ફરી એકવાર ગેંગસ્ટર ટેરર ફંડિંગના મામલામાં એક્શનમાં આવી છે. આ વખતે એનઆઈએની ટીમે 70થી વધુ સ્થળો પર દરોડા પાડ્યા છે. જેમાં પંજાબ, હરિયાણા, રાજસ્થાન, દિલ્હી, ચંદીગઢ, પંજાબ, ગુજરાત અને મધ્યપ્રદેશ સહિતના અન્ય રાજ્યોનો સમાવેશ થાય છે. આ દરોડા ટેરર ફંડિંગને લઈને ગેંગસ્ટર અને તેના નજીકના લોકોના ઠેકાણા પર પાડવામાં આવ્યો છે. ગુજરાતના ગાંધીધામમાં ગેંગસ્ટર લોરેન્સ બિશ્નોઈના નજીકના સાથી કુલવિંદરને ત્યાં દરોડા પાડવામાં આવ્યા છે. સૂત્રોના જણાવ્યા મુજબ, કુલવિંદર લાંબા સમયથી બિશ્નોઈનો સાથી છે. તેની સામે બિશ્નોઈ ગેંગના સાથીઓને આશ્રય આપવાનો કેસ છે. આ ઉપરાંત કુલવિંદર ઈન્ટરનેશનલ ડ્રસ સિન્ડિકેટ સાથે સંકળાયેલો હોવાનું એનઆઈના સૂત્રોનું કહેવું છે.
એનઆઈએની આ દરોડા તમામ જગ્યાઓ પર એક સાથે કરવામાં આવી રહી છે. એનઆઈએના સૂત્રોના જણાવ્યા અનુસાર છ ગેંગસ્ટરોની પૂછપરછ દરમિયાન ઘણા વધુ ગેંગસ્ટરોના નામ સામે આવ્યા હતા. એનઆઈએએ પૂછપરછ કરાયેલા ગેંગસ્ટરોના ઘરો અને તેમના અને તેમના સહયોગીઓ સાથે જોડાયેલા અન્ય સ્થળો પર દરોડા પાડી રહી છે. સૂત્રોએ જણાવ્યું હતું કે ગેંગસ્ટરોના અન્ય દેશોમાં સંપર્ક હોવાનો મામલો સામે આવ્યો છે. ભારતમાં લોરેન્સ બિશ્નોઈ અને બવાના ગેંગના નામે આતંક માટે ઘણું ફંડિંગ છે.
સેન્ટ્રલ ઇન્વેસ્ટિગેશન એજન્સી એ શોધી રહી છે કે કેવી રીતે રાષ્ટ્રવિરોધી પ્રવૃત્તિઓને અંજામ આપવા માટે ગેંગસ્ટરોનો ઉપયોગ કરવામાં આવે છે. એનઆઈએના સૂત્રોના જણાવ્યા પ્રમાણે, એજન્સીએ ગેંગસ્ટર-ટેરર ફંડિંગ કેસમાં અત્યાર સુધીમાં ત્રણ દરોડા પાડ્યા છે. આ પહેલા પણ ગયા વર્ષના અંતમાં દિલ્હી-એનસીઆર સહિત દેશના ઘણા રાજ્યોમાં એક સાથે દરોડા પાડવામાં આવ્યા હતા.
