ભુપેન્દ્ર નરેન્દ્રનો રેકોર્ડ તોડે તે માટે ખુદ નરેન્દ્રએ જીવ લગાવીને મહેનત કરી : મોદી

ગુજરાતની જનતાએ રેકોર્ડ તોડવામાં પણ રેકોર્ડ કર્યો, ગુજરાતની પ્રચંડ જીતમાં લોકોએ નવો ઈતિહાસ બનાવ્યો: વડાપ્રધાને ગુજરાતવાસીઓનો માન્યો આભાર

દેશના વડાપ્રધાન નરેન્દ્ર મોદીએ કહ્યું કે જનતા જનાર્દનના આશીર્વાદ જબરજસ્ત છે. જે. પી. નડ્ડા જીના નેતૃત્વમાં ભાજપના કાર્યકર્તાઓ દ્વારા કરવામાં આવેલી મહેનતની સુગંધ કોઈ પણ અનુભવી શકે છે. હું ગુજરાત, હિમાચલ પ્રદેશ અને દિલ્હીના લોકોનો નમ્ર આભાર વ્યક્ત કરું છું. પીએમ મોદીએ ગુજરાતની જીત માટે લોકો અને ભાજપના કાર્યકરોનો આભાર માન્યો. તેમજ ચૂંટણી પંચને સફળતાપૂર્વક ચૂંટણી કરાવવા બદલ અભિનંદન પાઠવ્યા હતા. પીએમ મોદીએ કહ્યું કે હિમાચલમાં ભાજપ એક ટકાથી પાછળ છે, પરંતુ વિકાસ માટે પ્રતિબદ્ધતા 100 ટકા રહેશે. પીએમ મોદીએ કહ્યું કે લોકોએ ભાજપને એટલા માટે વોટ આપ્યો કારણ કે ભાજપ પાસે સૌથી મોટા અને અઘરા નિર્ણયો લેવાની શક્તિ છે. ભાજપને જે જનસમર્થન મળી રહ્યું છે તે જણાવી રહ્યું છે કે બદનક્ષી તરફ લોકોનો રોષ વધી રહ્યો છે.

જ્યાં ભારતીય જનતા પાર્ટી સંપૂર્ણ રીતે જીતી શકી નથી, ત્યાં ભાજપનો વોટ શેર તેના ભાજપ પ્રત્યેના પ્રેમની સાક્ષી છે. હું ગુજરાત, હિમાચલ અને દિલ્હીના લોકોનો નમ્ર આભાર વ્યક્ત કરું છું. ભાજપ પ્રત્યેનો આ લગાવ દેશના વિવિધ રાજ્યોની પેટાચૂંટણીઓમાં પણ જોવા મળી રહ્યો છે. ઉત્તર પ્રદેશના રામપુરમાં ભાજપનો વિજય થયો છે. બિહાર પેટાચૂંટણીમાં ભાજપનું પ્રદર્શન આવનારા દિવસો માટે સ્પષ્ટ સંદેશ છે. આ પાર્ટીના નેતા મોટા પરિવારમાંથી છે તે જોઈને યુવાનો મત આપતા નથી. યુવા મત ત્યારે જ આપે છે જ્યારે તેમને વિશ્વાસ હોય, વિઝન અને વિકાસથી જ યુવાનોનું દિલ જીતી શકાય છે અને ભાજપ પાસે વિઝનની સાથે સાથે વિકાસની પ્રતિબદ્ધતા પણ છે. ગુજરાતની જનતાએ રેકોર્ડ તોડવામાં પણ રેકોર્ડ સર્જ્યો છે.ભાજપને ગુજરાતના ઈતિહાસનો સૌથી મોટો જનાદેશ આપીને રાજ્યની જનતાએ નવો ઈતિહાસ રચ્યો છે. જાતિ, વર્ગ, સમુદાય અને તમામ પ્રકારના વિભાજનથી ઉપર ઉઠીને ભાજપને મત આપ્યો છે.

આ વખતે ગુજરાતે રેકોર્ડ સર્જયો. હુ તમામ ભાજપી કાર્યકર્તાઓને અભિનંદન આપુ છું. ગુજરાતની જનતાને નમન કરુ છું. ચૂંટણી દરમિયાન કહ્યુ હતું કે, નરેન્દ્રનો રેકોર્ડ તૂટવો જોઈએ. મેં વાયદો કર્યો હતો કે, ભુપેન્દ્ર નરેન્દ્રનો રેકોર્ડ તોડે તે માટે નરેન્દ્ર જીવ લગાવીને મહેનત કરશે. ગુજરાતની જનતાએ રેકોર્ડ તોડવામાં પણ રેકોર્ડ કર્યો. ગુજરાતની પ્રચંડ જીતમાં લોકોએ નવો ઈતિહાસ બનાવ્યો છે. અઢી દાયકાથી સરકારમાં રહેવાથી આ પ્રકારનો પ્રેમ અભૂતપૂર્વ છે. લોકોએ જાતિ, વર્ગ, સમુદાયના વિભાજનથી ઉઠીને ભાજપને વોટ આપ્યો છે. જે રીતે દિલ્હી કોર્પોરેશનને વિફળ કરવા જનતા સાથે ધોકો કરાયો. બીજેપીને જનસમર્થન મહત્વનુ છે કે, આ એવા સમયે આવ્યુ જ્યારે ભારત અમૃતકાળમાં પ્રવેશી ચૂક્યું છે. લોકોએ ભાજપને વોટ આપ્યો, કારણ કે, ભાજપ દેશના હિતમાં મોટા અને આકરા નિર્ણય લેવાની હિંમત રાખે છે. ભાજપનું વધતુ જનસમર્થન બતાવે છે કે, પરિવારવાદ અને ભ્રષ્ટાચારની વિરુદ્ધ જનઆક્રોશ સતત વધી રહ્યો છે. હું આ બાબતને શુભ સંકેત તરીકે જોઉં છું.

આ જન સમર્થન નવા ભારતની આકાંક્ષાઓનું પ્રતિબિંબ

વડાપ્રધાન મોદીએ કહ્યું કે ભાજપને મળેલ જનસમર્થન નવા ભારતની આકાંક્ષાઓનું પ્રતિબિંબ છે. ભાજપને મળેલ જનસમર્થન એ ભારતના યુવાનોની ’યુવાન વિચારસરણી’નું અભિવ્યક્તિ છે. ભાજપને મળેલ જનસમર્થન એ ગરીબ, શોષિત, વંચિત, આદિવાસીઓના સશક્તિકરણ માટે મળેલ સમર્થન છે. લોકોએ ભાજપને મત આપ્યો કારણ કે ભાજપ દરેક ગરીબ, મધ્યમ વર્ગના પરિવારને વહેલી તકે દરેક સુવિધા આપવા માંગે છે. લોકોએ ભાજપને મત આપ્યો કારણ કે ભાજપ પાસે દેશના હિતમાં સૌથી મોટા અને અઘરા નિર્ણયો લેવાની શક્તિ છે. વડાપ્રધાને વધુમાં કહ્યું કે ગુજરાતમાં ભાજપને આદિવાસી

સમુદાયનું સમર્થન મળ્યું છે. એસટીમાટે અનામત 40 બેઠકોમાંથી ભાજપે પ્રચંડ બહુમતી સાથે 34 બેઠકો જીતી છે. ભાજપને આદિવાસીઓનું ભારે સમર્થન મળી રહ્યું છે. કારણ કે આદિવાસીઓ જોઈ રહ્યા છે કે ભાજપ તેમની આકાંક્ષાઓ પૂરી કરી રહી છે, જેને દાયકાઓથી અવગણવામાં આવી હતી. ભાજપે આદિવાસી પ્રમુખ ચૂંટ્યા છે.

રાજકીય પક્ષોએ યાદ રાખવુ કે ચૂંટણીના ખેલથી કોઈને ફાયદો થઈ શકે નહીં

બીજેપી આજે જ્યાં પણ પહોંચી છે. એ રીતે પહોંચી નથી. જનસંઘના સમયથી પરિવારોના સભ્યોએ તપસ્યા કરીને છે. ત્યારે જ આ પાર્ટીની રચના થઈ હતી, ત્યારે જ અમે અહીં સુધી પહોંચ્યા છીએ. ભાજપ માટે લાખો સમર્પિત કાર્યકરોએ જીવન વિતાવ્યું છે. આપણા વડવાઓએ એક કહેવત કહી છે. ’આમદની અઠ્ઠની ખર્ચા રૂપિયા’. જો આ ગણતરી રહી તો શું સ્થિતિ થશે તે આપણે આપણી આસપાસના દેશોમાં જોઈ રહ્યા છીએ. આથી દેશ આજે એલર્ટ છે. દેશના દરેક રાજકીય પક્ષોએ યાદ રાખવાનું છે કે ચૂંટણીના ખેલથી કોઈને ફાયદો થઈ શકે નહીં.

હિમાચલમાં ભલે 1 ટકા ઓછા મતથી હાર્યા પણ વિકાસ કામોમાં અમારું 100 ટકા આપીશું

પીએમ મોદીએ કહ્યું કે ગુજરાતમાં લોકોએ રેકોર્ડબ્રેક વોટ આપ્યા છે. ગુજરાતમાં એક કરોડથી વધુ મતદારોએ મતદાન કર્યું હતું. હિમાચલમાં ભાજપને એક ટકાથી ઓછા મતોના માર્જિનથી હાર મળી છે. આવું પહેલીવાર બન્યું છે. અહીં જીત અને હારનું માર્જીન હંમેશા 5-6% રહ્યું છે. જનતા ભલે એક ટકા પાછળ રહી ગઈ હોય, પરંતુ અમે આ રાજ્યના વિકાસના કામોમાં અમારું 100 ટકા આપીશું, હિમાચલ પ્રદેશની ચૂંટણીમાં જીત-હારનો નિર્ણય એક ટકાથી પણ ઓછા માર્જિનથી થયો છે. હિમાચલ પ્રદેશમાં આટલા ઓછા માર્જિન સાથે ક્યારેય પરિણામ આવ્યું નથી. હિમાચલમાં દર 5 વર્ષે સરકાર બદલાય છે, પરંતુ દર વખતે 5-7%ના તફાવતથી સરકાર બદલાય છે.