નાયબ મુખ્યમંત્રીશ્રી નિતિનભાઇ પટેલે વહેલી સવારે ભગવાન સોમનાથ દાદાનાં પૂજન-અર્ચન કરી ધ્વજારોહણ કર્યું હતું.
નાયબ મુખ્યમંત્રીશ્રીએ પરીવાર સાથે દર્શન-પૂજન અને મહાપુજા કરી ભગવાન સોમનાથને સૈાના કલ્યાણની પ્રાર્થના કરી હતી. ભારતવર્ષનાં આસ્થાકેન્દ્ર દ્દાદશ જ્યોતિર્લીંગનાં દર્શન-પૂજન કરી નાયબ મુખ્યમંત્રીશ્રીએ ધન્યતા અનુભવી હતી.
સોમનાથ મંદીર ખાતે મુખ્યપુજારીશ્રી ધનંજયદાદા અને બ્રહ્મગણોએ નાયબ મુખ્યમંત્રીશ્રીને મહાપુજા અને ધ્વજાપુજન કરાવ્યું હતું. આ પ્રસંગે નાયબ કલેકટરશ્રી પ્રદિપસિંહ રાઠોડ, સોમનાથ ટ્રસ્ટના જનરલ મેનેજરશ્રી વિંજયસિંહ ચાવડા સાથે રહ્યા હતા. સોમનાથ ટ્રસ્ટ વતી જનરલ મેનેજરશ્રી ચાવડાએ મોમેન્ટો અર્પણ કરી નાયબ મુખ્યમંત્રશ્રીનું સન્માન કર્યું હતું.
દર્શન-પૂજન બાદ પ્રચાર માધ્યમો સાથે વાતચીત કરતા નાયબ મુખ્યમંત્રીશ્રીએ કહ્યું કે, હું દર વર્ષે શ્રાવણ માસના સોમવારે ભગવાન સોમનાથ દાદાનાં દર્શન-પૂજન માટે આવું છું તેજ રીતે આ વર્ષે દર્શન-પૂજન માટે આવ્યો છું અને આ વર્ષે ચોમાસું સારૂ થયું છે, તે આપણા સૈા અને ખાસ કરીને ખેડુતો માટે ખુબ સારૂ છે.
