દિવાળીમાં આ વસ્તુ ખરીદવાથી માતા લક્ષ્મીની થશે તમારા પર કૃપા

દર વર્ષે કારતક મહિનાની અમાસના દિવસે દિવાળીનો તહેવાર મનાવવામાં આવે છે. સનાતન ધર્મમાં દિવાળીનો તહેવાર તમામ તહેવારોમાં સૌથી મોટો માનવામાં આવ્યો છે. ત્યારે આ દિવસે માતા લક્ષ્મી અને ગણપતિની પૂજા કરવામાં આવે છે. તેમજ દિવાળીના થોડા દિવસ પહેલા જ સાફ-સફાઈ શરૂ થઈ જાય છે. આ દિવસે ઘરોમાં દીવા પ્રગટાવવામાં આવે છે. દિવાળીનો તહેવાર ભગવાન રામના 14 વર્ષના વનવાસથી પાછા ફરવાની ખુશીમાં મનાવવામાં આવે છે.

જ્યોતિષ અનુસાર દિવાળીના દિવસે લક્ષ્મી માતાની પૂજા કરવાથી જીવનભર ધન-સંપત્તિની અછત રહેતી નથી. આ સાથે જ આ દિવસે અમુક વસ્તુઓ ઘરમાં લાવવી પણ શુભ માનવામાં આવે છે. તેમજ આ વસ્તુઓને ઘરમાં રાખવાથી લક્ષ્મી માતાના આશીર્વાદ હંમેશા રહે છે.

લાલ વસ્ત્ર

દિવાળીના દિવસે નવા વસ્ત્ર પહેરવામાં આવે છે. આ સાથે જ આ દિવસે લાલ રંગના વસ્ત્ર ખરીદવા પણ શુભ માનવામાં આવે છે. તેમજ આ દિવસે લાલ રંગના વસ્ત્ર ઘરે લાવવાથી દેવી લક્ષ્મીની કૃપા હંમેશા રહે છે.

શણગારનો સામાન

દિવાળીના દિવસે શણગારનો સામાન ખરીદીને લાવવો શુભ માનવામાં આવે છે. તેમજ આ દિવસે શણગારના સામાન સાથે લાલ સાડી પણ ખરીદવી શુભ હોય છે. આ દરમિયાન માતા લક્ષ્મીના આશીર્વાદ મળે છે અને પરિવારમાં સુખ-શાંતિ જળવાઈ રહે છે.

શ્રીયંત્ર

દિવાળીના દિવસે શ્રીયંત્ર ખરીદીને ઘરે લાવવુ અને સ્થાપના કરવી બંને શુભ માનવામાં આવે છે. તેમજ આ દિવસે શ્રીયંત્રને ખરીદીને ઘરે લાવવાથી ધનની વૃદ્ધિ થવા લાગે છે અને વ્યક્તિ રાજાની જેમ જીવન જીવે છે.

ગોમતી ચક્ર

શ્રીયંત્રની જેમ જ દિવાળીએ ગોમતી ચક્ર ખરીદીને લાવવુ પણ ખૂબ શુભ માનવામાં આવે છે. તેમજ તેનાથી ઘર-પરિવાર સંપન્ન થાય છે. દિવાળીના દિવસે 11 ગોમતી ચક્ર ખરીદીને ઘરે લાવો તેનાથી માતા લક્ષ્મીની ખાસ કૃપા વરસશે અને ધન-ધાન્યની અછત ક્યારેય રહેશે નહીં.

લક્ષ્મી-ગણેશની મૂર્તિ

દિવાળીના દિવસે લક્ષ્મી-ગણેશની મૂર્તિ ખરીદીને ઘરે લાવવી પણ શુભ માનવામાં આવે છે. તેમજ આ દિવસે લક્ષ્મી-ગણેશની મૂર્તિ ઘરે લાવવાથી આખુ વર્ષ માતા લક્ષ્મીના આશીર્વાદ રહે છે અને ધનની અછત રહેતી નથી.

અસ્વીકરણ : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે અબતક મીડિયા કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.