માધુરી દીક્ષિત સાથે અનિલ કપૂરે રૂપેરી પડદે ફરી એક વાર જોડી જમાવી : વીક એન્ડ મોજ અને ટાઈમ પાસ કરવા માટેની ફિલ્મ
ગઈ કાલે તારીખ ૨૨ મી ફેબ્રુઆરીએ શુક્રવારે ફિલ્મ ’ટોટલ ધમાલ’ રિલીઝ થઈ. તેમાં ધમાલ, મસ્તી, પાગલપંતી બધું જ છે. એકચ્યુલી આ ફિલ્મ ને માઈન્ડલેસ કોમેડી કહી શકાય. મજાની વાત છે કે માધુરી દીક્ષિત સાથે અનિલ કપૂરે રૂપેરી પડદે ફરી એક વાર જોડી જમાવી છે. ફિલ્મ ટોટલ ધમાલ જ્યારે અનિલ કપૂરને ઓફર થઈ ત્યારે તેણે માધુરી દીક્ષિતનું નામ સાંભળતા જ ડન કહી દીધું હતું. તેમણે અત્યાર સુધીમાં કુલ મળીને ૧૮ ફિલ્મો સાથે કરી છે.
આ એડવેન્ચર કોમેડી ફિલ્મની સ્ટોરી ગુડ્ડુ (અજય દેવગણ), પિન્ટુ (મનોજ પાહવા) અને જોની (સંજય મિશ્રા)ની આસપાસ ફરે છે. અચાનક એક દિવસ પિન્ટુના હાથમાં કરોડો રૂપિયાનો ખજાનો લાગે છે, ગુડ્ડુ અને જોની દગો આપીને પિન્ટુ આ ખજાનાને ક્યાંક છૂપાવી દે છે. ગુડ્ડુ અને જોની એક દિવસ પિન્ટુને શોધી કાઢે છે પરંતુ આ છૂપાવીને રાખેલા ખજાનાની જાણકારી અવિનાશ (અનિલ કપૂર) અને બિંદુ (માધુરી દિક્ષીત), લલ્લન (રિતેશ દેશમુખ), ઝિંગુર (પિતોબશ ત્રિપાઠી) ઉપરાંત આદિત્ય (અરશદ વારસી) અને માનવ (જાવેદ જાફરી)ને મળી જાય છે અને આ બધાનો હેતુ આ ખજાનો મેળવવાનો હોય છે. દરેક ખજાના સુધી સૌથી પહેલા પહોંચવાનો પ્રયાસ કરે છે, અંતમાં આ ખજાનો કોને મળે છે.
તે જાણવા માટે તમારે ટોટલ ધમાલ જોવા જવું પડશે.જો તમે પરિવાર સાથે આ વીકેન્ડ મસ્તી અને ટાઈમ પાસ કરવા માટે ફિલ્મ જોવાનું પ્લાનિંગ કરી રહ્યા હોય તો ટોટલ ધમાલ ફિલ્મ તમારા માટે છે. આ સીરિઝની પાછલી બે ફિલ્મોના પ્રોડ્યુસર ઈન્દ્ર કુમાર પોતાની આ ફિલ્મ માટે લીડ રોલ માટે એક્ટર અજય દેવગણને સાઈન કરવા ગયા તો તેને ફિલ્મની સ્ટોરી એટલી હદ સુધી પસંદ આવી ગઈ કે અજય ફિલ્મનો કો-પ્રોડ્યુસર બની ગયો.
લગભગ ૧૭ વર્ષ બાદ સ્ક્રીન પર ધક-ધક ગર્લ સાથે અનિલ કપૂરની જોડી જોવા મળી છે. ફિલ્મમાં બાળકો માટે હોલિવૂડ એનિમલ એક્ટ્રેસ ક્રિસ્ટલ છે જે આ પહેલા હેંગઓવર ૨, જંગલ નાઈટ એન્ડ મ્યુઝિયમ સહિત ઘણી સુપરહીટ ફિલ્મોમાં કામ કરી ચૂકી છે. સ્ક્રિપ્ટની ડિમાન્ડ પર ડિરેક્ટર ઈન્દ્ર કુમારે ફિલ્મનું શૂટિંગ વિદેશના રિયલ લોકેશન પર કર્યું છે.
અજય દેવગણનું પાત્ર ધમાલના સંજય દત્તની યાદ અપાવે છે. અનિલ કપૂર, માધુરી દીક્ષીતની જોડી સ્ક્રીન પર આવતા જ હોલમાં ફેન્સ ચીચીયારી પાડવા લાગે છે. રિતેશ, સંજય મિશ્રા, જાવેદ જાફરી, અરશદ વારસીએ પોતપોતાના રોલને સારી રીતે ભજવ્યો છે. સોનાક્ષી પર શૂટ કરાયેલું આઈટમ સોન્ગ મૂંગડા ફિલ્મની યૂએસપી છે. ફિલ્મના તમામ લીડ એક્ટર પર શૂટ કરાયેલું સુભાષ ઘઈની સુપરહીટ ફિલ્મ કર્ઝનું પૈસા યે પૈસા સોન્ગનું રિમિક્સ સારી રીતે શૂટ કરાયું છે. આ સિવાય એક ગીત સ્પીકર ફટ જાયે માત્ર ને માત્ર આગલી હરોળમાં બેઠેલા લોકોને જ ગમે તેવું છે.
આ ફિલ્મ ના એક પણ ગીત સુપર હિટ નથી. જો તમે કોમેડી જોનરની માઈન્ડ પર વધારે ભાર ન આપીને તર્કથી દૂર રહીને માત્ર એન્જોય કરવાના હેતૂથી ફિલ્મ જુઓ છો તો ટોટલ ધમાલ ફિલ્મ તમારા માટે છે.ઈન્દ્ર કુમારે કંઈક નવું કરવાના બદલે આ સીરિઝની પહેલી ફિલ્મની સ્ટોરી સાથે કેટલાક ફેરફાર સાથે કોમેડી રજૂ કરી છે. ઈન્દ્ર કુમારે પહેલા સ્ક્રિપ્ટ અને પાત્રો પર સારી રીતે કોમ વર્ક કર્યા બાદ મૂવી શરૂ કરી હોત તો વધારે સારું રહ્યું હતું.
