સર્કિટ, કોમ્પ્યુટર, ઇન્જેક્શન સહિતની 102 જેટલી આયાતી પ્રોડક્ટ્સ જે કુલ આયાતનો 57 ટકા જેટલો હિસ્સો ધરાવે છે તેનું સ્થાનિક સ્તરે ઉત્પાદન કરાવવાનો સરકારનો મહત્વપૂર્ણ નિર્ણય
વર્ષ 2024માં અર્થતંત્રને અતિ મજબૂત બનાવવાના મોદી મંત્રના ભાગરૂપે સરકાર આયાત થતી વસ્તુઓનું ઘરઆંગણે ઉત્પાદન કરી અર્થતંત્રને ટનાટન બનાવવા જઈ રહી છે. જેમાં સર્કિટ, કોમ્પ્યુટર, ઇન્જેક્શન સહિતની 102 જેટલી આયાતી પ્રોડક્ટ જે કુલ આયાતનો 57 ટકા જેટલો હિસ્સો ધરાવે છે તેનું સ્થાનિક સ્તરે ઉત્પાદન કરાવવાનો સરકારે મહત્વપૂર્ણ નિર્ણય લીધો છે.
વાણિજ્ય મંત્રાલયે આયાત પર નિર્ભરતા ઘટાડવા માટે રસાયણો, ઈલેક્ટ્રોનિક ઉત્પાદનો અને ઈન્સ્યુલિન ઈન્જેક્શન જેવા 102 ઉત્પાદનોના સ્થાનિક ઉત્પાદનને પ્રોત્સાહન આપવા પર ભાર મૂક્યો છે. કુલ આયાતમાં આ ઉત્પાદનોનો હિસ્સો ઊંચો છે.
મંત્રાલયના આયાતી માલના વિશ્લેષણ મુજબ, દેશમાં 102 ઉત્પાદનોની વધુ માંગ છે અને સ્થાનિક પુરવઠો પૂરતો ન હોવાથી આયાત કરવામાં આવે છે.
રિપોર્ટમાં કહેવામાં આવ્યું છે કે, 102 ઉત્પાદનોની વધુ માંગ છે અને તે કુલ આયાતમાં 57.66 ટકા હિસ્સો ધરાવે છે. આને ધ્યાનમાં રાખીને, સ્થાનિક ઉત્પાદનની તકો માટે અગ્રતાના ધોરણે તાત્કાલિક હસ્તક્ષેપ માટે પગલાં લઈ શકાય છે.
તેમાં કહેવામાં આવ્યું છે કે ઔદ્યોગિક સંસ્થાઓ, ઉત્પાદકો અને ઉદ્યોગના આગેવાનો સ્થાનિક માંગને પહોંચી વળવા આ ઉત્પાદનોની સ્થાનિક ઉત્પાદન ક્ષમતા વધારવા પર વિચાર કરી શકે છે. આનાથી આર્થિક વિકાસને વેગ મળશે તેમજ રોજગારીની તકો પણ સર્જાશે.
અભ્યાસનો ઉદ્દેશ્ય એવી વસ્તુને ઓળખવાનો હતો કે જેની સતત મોટા પાયે આયાત કરવામાં આવી રહી છે અને કુલ આયાતનો હિસ્સો ઊંચો છે. આ પહેલનો ઉદ્દેશ્ય આ ઉત્પાદનોના સ્થાનિક ઉત્પાદનની ક્ષમતા વધારવાનો અને આયાત પર નિર્ભરતા ઘટાડવાનો છે.
સોનું, કુદરતી ગેસ, ક્રૂડ પામ ઓઈલ અને પર્સનલ કોમ્પ્યુટર જેવી 88 પ્રોડક્ટ્સની આયાતમાં વધારો જોવા મળી રહ્યો છે. ઉલ્લેખનીય છે કે દેશની આયાત 2020-21માં 394.44 બિલિયન ડોલરથી 2021-22માં 611.89 ડોલર બિલિયન રહી હતી. જે નિકાસ કરતા ઊંચી હોય તેને ઘટાડવા ઉપર ભાર મૂકવામાં આવી રહ્યો છે.
- RBI ફુગાવાને નિયંત્રણમાં લાવવા હજુ અસરકારક પગલાં લેશે
- હજુ પણ વ્યાજદર વધી શકે તેમ છે: સ્થિતિ નિયંત્રણમાં આવતા ફરી રાહત પણ મળશે
ફુગાવામાં તીવ્ર ઉછાળા સાથે સંઘર્ષ કરતી, રિઝર્વ બેન્ક નાણાકીય નીતિના પ્રતિભાવને હળવી કરવા માટે તૈયાર છે અને નાના વધારાની ઇચ્છાએ તેને ઑફ-શેડ્યૂલ મીટિંગમાં નીતિને વધુ કડક બનાવવા માટે પ્રેરિત કર્યું, એમ એક સૂત્રએ ગુરુવારે જણાવ્યું હતું. સેન્ટ્રલ બેંકની વિચારસરણીથી પરિચિત એક સ્ત્રોતે જણાવ્યું હતું કે યુક્રેન પર રશિયાના આક્રમણથી ફુગાવાને વ્યાપક અસર થઈ છે અને તે ઇન્ડોનેશિયા દ્વારા પામ તેલની નિકાસ પરના પ્રતિબંધને કારણે થતા નુકસાનને પણ પ્રતિબિંબિત કરશે, જે દર્શાવે છે કે આરબીઆઇને રેપોરેટ વધારવા ઉપરાંત અન્ય કોઈ વિકલ્પ નહોતો. જો કે એવું જાણવા મળી રહ્યું છે કે ફુગાવાને નિયંત્રણમાં લાવવા આરબીઆઈ હજુ પણ. વ્યાજદરમાં વધારો કરી શકે છે. પણ ફુગાવો નિયંત્રણમાં આવ્યા બાદ ફરી રાહત પણ આપી દેવામાં આવશે.
