અમદાવાદમાં 20 એકર જમીન પર 631 કરોડથી પણ વધુના ખર્ચે નિર્માણ પામનાર સ્પોર્ટ્સ કોમ્પલેક્ષનું કેન્દ્રીય ગૃહમંત્રી અમિત શાહના હસ્તે ખાતમુહૂર્ત
કેન્દ્રીય ગૃહમંત્રી અમિત શાહે રવિવારે અમદાવાદમાં નારણપુરા સ્પોર્ટ્સ કોમ્પ્લેક્સનો શિલાન્યાસ કર્યો હતો. આ પ્રસંગે જનમેદનીને સંબોધતા તેમણે જણાવ્યું હતું કે, આ સંકુલનો શિલાન્યાસ કરીને યુવાનોનું એક મોટું સ્વપ્ન સાકાર થઈ રહ્યું છે. હવે અમદાવાદ ઓલમ્પિકનું યજમાન કરવા સક્ષમ બનવાનું છે.
તેમણે કહ્યું કે, શહેરના સાબરમતી, નારણપુરા ઘાટલોડિયા, રાણીપ, એલિસબ્રિજ અને વેજલપુર વિસ્તારમાં એવી શાળાઓ છે જ્યાં રમતના મેદાન નથી. આ વિસ્તારના બાળકો માટે આ સંકુલ વરદાન સાબિત થશે. જે શાળાઓ પાસે રમતનું મેદાન નથી તે શાળાના બાળકો આ પરિસરમાં રમવા આવશે. શહેરની તમામ શાળાઓને આ સંકુલ સાથે જોડવામાં આવશે. અહીં હવે શહેર અને રાજ્ય તેમજ દેશના ખેલાડીઓ રમશે. દેશ માટે મેડલ લાવનાર ખેલાડીઓ પણ આ સંકુલમાંથી તૈયાર થશે.
તેમણે કહ્યું કે આ સંકુલનું નિર્માણ 30 મહિનામાં પૂર્ણ થશે. તેઓ પોતે આ યોજનાની દેખરેખ રાખશે. 50 વર્ષથી આ જગ્યા આવી જ પડી હતી. તેમણે વડાપ્રધાન નરેન્દ્ર મોદીને આ જગ્યાએ અત્યાધુનિક સ્પોર્ટ્સ કોમ્પ્લેક્સ બનાવવાની અપીલ કરી હતી. આ પછી વડા પ્રધાને તરત જ આ માટે 600 કરોડ રૂપિયા મંજૂર કર્યા.
શાહના મતે શહેરમાં વિશ્વનું સૌથી મોટું ક્રિકેટ સ્ટેડિયમ છે. આ નરેન્દ્ર મોદી સ્ટેડિયમ પાસે સેંકડો એકર જમીનમાં સરદાર પટેલ સ્પોર્ટ્સ કોમ્પ્લેક્સ અને નારણપુરા સ્પોર્ટ્સ કોમ્પ્લેક્સ તૈયાર થઈ રહ્યું છે. આ પછી શહેરમાં અન્ય ત્રણ સ્પોર્ટ્સ કોમ્પ્લેક્સ પણ બનાવવાના છે. આ સાથે અમદાવાદ ઓલિમ્પિક ગેમ્સની યજમાની માટે સંપૂર્ણ રીતે તૈયાર થઈ જશે.
શાહના મતે વડાપ્રધાન મોદીએ મુખ્યમંત્રી તરીકે ગુજરાતમાં રમતગમતની ઘણી સુવિધાઓ શરૂ કરી હતી. છેલ્લા કેટલાક વર્ષોમાં રમતગમત પર ધ્યાન આપવામાં આવ્યું છે, જેના કારણે રમતગમતની બાબતમાં ગુજરાત 29માં સ્થાનેથી 10માં નંબરે પહોંચી ગયું છે. 10 વર્ષમાં ગુજરાત ટોચના નંબરે પહોંચવાના પ્રયાસો પણ કરવામાં આવી રહ્યા છે.
તેમણે કહ્યું કે ખેલાડીઓએ જિલ્લા સ્તરે, રાજ્ય સ્તરે અને દેશ સ્તરે તેમજ આંતરરાષ્ટ્રીય સ્તરે નામના મેળવવી જોઈએ. મોદીના નેતૃત્વમાં ભારત દરેક ક્ષેત્રમાં આગળ વધી રહ્યું છે. આવનારા 10 વર્ષમાં ભારતના ખેલાડીઓ પ્રથમ પાંચ સ્થાન પર પહોંચી જશે.
@Bhupendrapbjp
આ પ્રસંગે કેન્દ્રીય રમતગમત મંત્રી અનુરાગ ઠાકુર, રાજ્યના મુખ્યમંત્રી ભૂપેન્દ્ર પટેલ સહિત રાજ્ય સરકારના મંત્રીઓ અને અન્યો ઉપસ્થિત રહ્યા હતા.
ઉલ્લેખનીય છે કે આ સ્પોર્ટ્સ કોમ્પલેક્ષનું નિર્માણ 20.39 એકર જમીન પર કરવામાં આવશે. અને તેની પાછળ 631 કરોડથી પણ વધારે રકમનો ખર્ચ કરવામાં આવશે. તેમજ આ કોમ્પલેક્ષને 6 ભાગોમાં વહેંચવામાં આવશે, જેમાં એક્વાટિક કોમ્પલેક્ષથી લઈને ઈન્ડોર મલ્ટી સ્પોર્ટ્સ એરેના સહિતના ભાગોનો સમાવેશ થશે. 850 ટૂ-વ્હીલર અને 800 ફોર-વ્હીલર પાર્ક કરવાની વ્યવસ્થા હશે, જ્યારે 300 લોકો રહી શકે તેવી પણ વ્યવસ્થાનું નિર્માણ કરવામાં આવશે.
આ સાથે સ્પોર્ટ્સ સંકૂલમાં બાળકો માટે સ્કેટિંગ ઝોન, કબ્બડી અને ખોખોના મેદાન પણ હશે. બાળકો માટે સ્પેશિયલ પ્લે ઝોન પણ તૈયાર કરવામાં આવશે. અહીં જિમ, જોગિંગ ટ્રેક અને સેલ્ફી પોઈન્ટ પણ બનાવવામાં આવશે, જેથી સ્થાનિકો સ્પોર્ટ્સ અંગે વધુ ધ્યાન કેન્દ્રીત કરી શકે, આ સ્પોર્ટ્સ કોમ્પ્લેક્સ બનાવવા માટેના કોન્ટ્રાક્ટના કામની સોંપણી 9 માર્ચે કરી દેવામાં આવી હતી.
મોદીના રાજમાં ગુજરાત સુરક્ષિત બન્યું : કેન્દ્રીય ગૃહમંત્રી
ખેડાના નડિયાદ ખાતે લોકાર્પણના કાર્યક્રમમાં કેન્દ્રીય ગૃહ પ્રધાન અમિત શાહે કહ્યું કે તેઓ નરેન્દ્ર મોદી સાશનમાં આવ્યા તે પહેલાના અને પછીના ગુજરાતની સરખામણી કરવા માંગે છે. તેઓએ ઉમેર્યું કે પહેલા ગુજરાતની શુ હાલત હતી. હવે ગુજરાત સુરક્ષિત બન્યું કગે.
તેઓએ કહ્યું કે કોંગ્રેસે જાતિના નામે લોકોને કેવી રીતે લડાવ્યા. કોંગ્રેસે કોમી રમખાણો ભડકાવી અને કાયદો અને વ્યવસ્થાનો નાશ કર્યો. અગાઉના સમયમાં, જો કોઈ વ્યક્તિ રિલીફ રોડપર નોકરી માટે જાય, તો પરિવારને અનિશ્ચિતતા હશે કે તે સાંજે પરત આવશે કે કેમ ? શાહે કહ્યું કે સાંપ્રદાયિક રમખાણોને કારણે બેંકો, બજારો અને કારખાનાઓ બંધ થવાથી અને ત્યારપછીના કર્ફ્યુએ પણ અર્થવ્યવસ્થાને અસર કરી.
(ભગવાન જગન્નાથ રથયાત્રા દરમિયાન સાંપ્રદાયિક અથડામણ નિશ્ચિત હતી. પરંતુ ભાજપ સત્તામાં આવ્યા પછી શું કોઈએ રથયાત્રા પર હુમલો કરવાની હિંમત કરી? જેમણે આવું કરવાની હિંમત કરી તેમને જેલના સળિયા પાછળ ધકેલી દેવામાં આવ્યા અને તેઓ હવે ભગવાન જગન્નાથના નામનો જાપ કરે છે.
કોંગ્રેસના શાસન દરમિયાન પોરબંદરનો દરિયાકાંઠો દાણચોરો અને માફિયાઓ માટે “રમતનું મેદાન” બની ગયો હતો અને કચ્છ સરહદેથી શસ્ત્રો, નાર્કોટીક્સ, નકલી ચલણ અને આરડીએક્સની દાણચોરી થતી હતી, એમ તેમણે જણાવ્યું હતું. આજે કોઈ એક ઇંચ પણ અંદર પ્રવેશવાની હિંમત કરતું નથી.
શાહે કહ્યું હતું કે સરહદી રાજ્ય હોવા છતાં, ગુજરાત શાંતિ સ્થાપવામાં સફળ રહ્યું છે. તેમણે કહ્યું, “રાજ્યમાં શાંતિને ખલેલ પહોંચાડવાની કોઈની હિંમત નથી. ગુજરાતને ડ્રગ્સની દાણચોરીનો પર્દાફાશ કરવામાં નંબર વન રાજ્ય બનાવવા બદલ સરકારને અભિનંદન આપ્યા હતા.
