માળીયાના ગ્રામ્ય વિસ્તારની મૂલાકાત લેતા ધારાસભ્ય બ્રિજેશ મેરજા

મોરબી-માળીયાના ધારાસભ્ય બ્રિજેશભાઈ મેરજાએ માળીયા તાલુકાના ખેડૂતોના કપાસ અને ચણાના વેચાણ બાબતે તેમજ પીવાના પાણીના પ્રશ્નો અંગે તાલુકા કોંગ્રેસ પૂર્વ પ્રમુખ રમેશભાઈ ફૂલતરીયા, પ્રમુખ આર કે પારજીયા, અને એનએસયુઆઈ જીલ્લા પ્રમુખ દેવેન્દ્રસિંહ જાડેજા સાથે પીપળીયા ચાર રસ્તે સીસીઆઈ કપાસ ખરીદ કેન્દ્રની મુલાકાત લઇ ખેડૂતોને પડતી મુશ્કેલીઓ નિવારવા કેન્દ્ર સંચાલકો સાથે પરામર્શ કર્યો હતો  સાથે સરવડ, મોટી બરાર, જશાપર, નાની બરાર, મોટા ભેલા, નાના ભેલા સહિતના ગામોની મુલાકાત લઇ જે તે ગામના આગેવાનો સાથે વિવિધ પ્રશ્નો અંગે માહિતી મેળવી હતી પાણી પુરવઠા બોર્ડના નાના ભેલા સંપ ખાતે ભાવપર, બગસરા સહિતના પીવાના પીવાના પ્રશ્નોની અગ્રણીઓ સાથે સ્થળ પર મુલાકાત લઇ જાત માહિતી મેળવી હતી નાના ભેલા તરઘરી રોડનું કામ જે ચાલુ થયું છે તેની સાઈટ વિઝીટ પણ કરી હતી