રેપ, ફોડ, બળજબરી પૂર્વક ગર્ભપાત કરાવવાનો કેસ દાખલ કરવા પોલીસને કોર્ટનો આદેશ: મિથુનની પત્ની યોગિતા બાલીને પણ સહ આરોપી બનાવવા કહ્યું
દિગ્ગજ અભિનેતા મિથુન ચક્રવર્તીના પુત્ર મહાક્ષયના લગ્નના પાંચ દિવસ પહેલા જ રેપ કેસમાં ફસાતો જોવા મળી રહ્યો છે. દિલ્હીના રોહિણી કોર્ટે પોલીસને મહાક્ષય સામે રેપ, ફ્રોડ, બળજબરી પૂર્વક ગર્ભપાત કરાવવાનો કેસ દાખલ કરવાનો આદેશ આપ્યો છે. એટલું જ નહીં મિથુનની પત્ની યોગિતા બાલીને પણ પુત્ર સાથે સહઆરોપી બનાવવાનો આદેશ આપ્યો છે.રોહિણી કોર્ટે મહાક્ષય અને યોગિતા બાલી સામે બેગમપુરા પોલીસ સ્ટેશનમાં ઈંઙઈની કલમ ૩૭૬, ૩૧૩, ૩૨૮, ૪૧૭,૫૦૬ અંતર્ગત કેસ દાખલ કરવાનો આદેશ આપ્યો છે.
મહાક્ષય અને યોગિતા બાલી પર પીડિતાએ રેપ, ફ્રોડ અને બાળજબરી પૂર્વક ગર્ભપાત કરવાનો આરોપ લગાવ્યો છે.કહેવામાં આવી રહ્યું છે કે ફરિયાદી ભોજપુરી ફિલ્મોની જાણીતી એક્ટ્રેસ છે જે બોલિવૂડમાં પણ કામ કરી ચૂકી છે. પીડિતા એક્ટ્રેસે કોર્ટમાં ફરિયાદ દાખલ કરાવી છે કે મહાક્ષયે તેને લગ્નની લાલચ આપીને કેટલાય સમય સુધી શારીરિક શોષણ કર્યું અને હવે તે અન્ય કોઈ સાથે લગ્ન કરી રહ્યો છે.
એકટ્રેસે પોતાની ફરિયાદમાં કહ્યું છે કે ૨૦૧૫માં મહાક્ષયે કોલ્ડડિંકમા નશીલા પદાર્થ ભેળવીને તેની સાથે રેપ કર્યો. મહાક્ષયે તેની પાસે કુંડળી પણ માંગી હતી અને કહ્યું હતું કે તે લગ્ન માટે તેના માતા-પિતાને રાજી કરી લેશે. જોકે તે પાછળથી ફરી ગયો હતો. એક્ટ્રેસનો દાવો છે કે તે મહાક્ષય સાથે ૪ વર્ષથી રિલેશનશિપમાં રહી હતી. આ દરમિયાન તે ગર્ભવતી પણ થઈ પરંતુ મહાક્ષયે બળજબરી પૂર્વક દાવાઓ આપીને ગર્ભપાત કરાવ્યો હતો.જાણીતા ફિલ્મ ડિરેક્ટર સુભાષ શર્માની પુત્રી મદાલસા શર્મા સાથે થોડા સમય પહેલા જ મહાક્ષય સાથે રોકા થયા હતા. મહાક્ષય અને મદાલસાના લગ્ન ૭ જૂનના રોજ નક્કી કરવામાં આવ્યા છે. મદાલસા તમિલ અને તેલુગૂ ફિલ્મોમાં કામ કરી ચૂકી છે.
