હિસાબી વર્ષ 2022-23 ના માર્ચ એન્ડિગના હિસાબો સંદર્ભે સમગ્ર ગુજરાતમાં માર્ચ મહિનાના આખરી અઠવાડીયામાં વિવિધ માકેટીંગ યાર્ડો બંધ હોય છે. જેમાં વાંકાનેર માકેટીંગ યાર્ડમાંથી વેપારીઓનો માલ ઉંઝા, રાજકોટ, ગોંડલ જેવા મોટા યાર્ડોમાં જતો હોવાથી યાર્ડોમાં માર્ચ એન્ડિગની રજાઓ હોય જેથી વાંકાનેર માકેટીંગ યાર્ડ આગામી તા. 26-3 થી 2-4 સુધી બંધ રહેશે.
વાંકાનેર યાર્ડમાં તા. ર-4 રવિવારથી માલની ઉતરાઇ શરુ કરવામાં આવશે અને તા. 3-4 થી યાર્ડનું કામકાજ રાબેતા મુજબ ચાલુ થશે. જેની વાંકાનેર વિસ્તારના તમામ ખેડુતોએ નોંધ લેવી. માર્ચ એન્ડીંગની રજાઓના કારણે ઉપરની તારીખો દરમિયાન ખેડુતો ભાઇઓએ યાર્ડ ખાતે પોતાનો માલ વેચાણ માટે ન લાવવા જણાવ્યું છે.
