નેશનલ કેરીયર સર્વિસ તથા રોજગાર કચેરીના ઉપક્રમે આગામી તા.૭ ઓકટોબરના રોજ આજીડેમ આઈટીઆઈ ખાતે મેગા આઈટી જોબફેર યોજાવા જઈ રહ્યો છે. જેમાં અલગ-અલગ ૫૦થી વધારે કંપની જોડાઈ રહી છે. મુખ્યત્વે તેમા એરટેલ, પેટીએમ, વોડાફોન, ડોમીનોઝ, ઈન્ડિયા એકસા, બીગ ટ્રી, બીવીજે ઈન્ડિયા જેવી નામાંકિત કંપનીઓ પણ સામેલ છે. આ જોબફેરમાં ખાસ કરીને અલગ-અલગ સેકટર પાડવામાં આવ્યા છે. જેમાં આઈટી, બેન્કીંગ, હેલ્થ, હોસ્પીટાલીટી વગેરેનો સમાવેશ થાય છે. આ જોબફેરમાં ૧૦,૧૨ અને ગ્રેજયુએટ વિદ્યાર્થીઓ ભાગ લઈ શકે છે. જે માટે તા.૭ના સ્થળ પર જ રજીસ્ટ્રેશનની સુવિધા રાખેલ છે. આ જોબફેર યોજવાનો મુખ્ય હેતુ છે. આ વર્ષ વધુમાં વધુ વિદ્યાર્થીઓને નોકરી મળે તેવું નેશનલ કેરીયર સર્વિસ મીનીસ્ટરી ઓફ લેબર અને ઈમાલવિમેન્ટના યંગ પ્રોફેશનલ સૌરવ પાંડેએ જણાવ્યું હતું.
