ગુજરાતી ફિલ્મોમાં અનેક વાર કપલ તરીકેના પાત્રો ભજવનાર એક્ટર મલ્હાર ઠાકર અને પૂજા જોષી હવે રિયલ લાઈફ કપલ બનવા જઈ રહ્યાં છે. ત્યારે પૂજા જોષી અને મલ્હાર ઠાકરની જોડી અને તેમનાં લગ્નને ચાહકોએ #MaJaNiWedding નામ આપ્યું છે. આ ઉપરાંત મલ્હાર અને પૂજા આ અઠવાડિયે લગ્ન ગાંઠમાં બંધાવાના છે. તેમજ મલ્હાર અને પૂજાના લગ્નની તૈયારીઓ શરૂ થઈ ગઈ છે. જેમાં આજે લગ્ન પહેલાની વિધિઓનો પહેલો દિવસ છે તેમાં મહેંદી સેલિબ્રેશન શરૂ થઈ ગયું છે.
#MaJaNiWedding ના પહેલા દિવસે મહેંદી સેરેમની યોજાઈ હતી. જેની અનેક તસવીરો સોશિયલ મીડિયા પર વાયરલ થઈ રહ્યાં છે. તેમજ આ વીડિયોમાં પૂજા અને મલ્હાર જોવા મળી રહ્યાં છે અને પૂજાએ તેના હાથમાં મલ્હારના નામની મહેંદી લગાવી છે. મલ્હાર અને પૂજા બન્ને ટ્રેડિશનલ ડ્રેસમાં જોવા મળી રહ્યાં છે. પૂજા જોષીએ પહેરેલી ઈયર રીંગ, કારણ કે પૂજાએ જે ઈયર રીંગ પહેરી છે તેમાં મલ્હારનું નામ લખેલું છે.
ગુજરાતી ફિલ્મોમાં પોતાનાં અભિનયથી ધૂમ મચાવીને ફેન્સનું દિલ જીતનાર મલ્હાર ઠાકર છે અને હવે અભિનેતાના ટુંક જ સમયમાં લગન છે. નાના બાળકો હોય કે મોટેરાઓ હોય કે પછી તેનાં જેવો જ યુવા વર્ગ હોય તે સૌનાં મનમાં વસી ગયો છે મલ્હાર ઠાકર. ‘વિકીડા’થી લઈને ‘સાહેબ’ના તેના કિરદારો તેને પર એકદમ અદ્ભૂત રીતે બંધ બેશે છે.
ગુજરાતી ફિલ્મ ઇન્ડસ્ટ્રીનો રોમેન્ટિંક હિરો કહો કે કોમેડી હિરો કહો તમામમાં મલ્હાર ઠાકર છવાઈ જાય છે. તેમજ ગુજરાતી ફિલ્મ ‘છેલ્લો દિવસ’થી લોકપ્રિય થયેલો મલ્હાર અગાઉ વર્ષ 2012માં આવેલી ગુજરાતી ફિલ્મ ‘કેવી રીતે જઈશ’માં નાની ભૂમિકા ભજવી ચૂક્યો છે.
પૂજાએ મુંબઈની મીઠીબાઈ કોલેજમાંથી બાયોટેકનોલોજીમાં ગ્રેજ્યુએશન કર્યું છે. ગુજરાતના સિદ્ધપુર ગામના 34 વર્ષીય અભિનેતા મલ્હાર ઠાકર મુંબઈની 32 વર્ષીય અભિનેત્રી પૂજા જોષી સાથે નવેમ્બર મહિનાના અંતમાં અમદાવાદ ખાતે ગુજરાતી પરંપરા અને સંસ્કૃતિ સાથે પ્રભુતાના પગલાં પાડશે.
મલ્હાર ઠાકર અને પૂજા જોશીના ફિલ્મો
- Lagan Special
- Veer-Isha Nu Seemant
પૂજા જોષી અને મલ્હાર ઠાકર બન્ને સાથે સ્ક્રીન પર બહુ ક્યૂટ લાગે છે અને તેઓ ગુજરાતી ફિલ્મનું પોપ્યુલર કપલ પણ છે. મલ્હાર ઠાકર અને પૂજા જોષીએ સાથે એક વૅબ સિરીઝ અને બે ફિલ્મોમાં કામ કર્યું છે. તેમણે સાથે વૅબ સિરીઝ ‘વાત વાતમાં’ સિઝન વન અને ટૂમાં કામ કર્યું છે. જેમાં તેમની કૅમેસ્ટ્રી ખૂબ વખાણવામાં આવી હતી. તેમજ આ ઉપરાંત તેમણે ફિલ્મ ‘વીર ઈશાનું સિમંત’ એક યંગ મેરિડ કપલની ભૂમિકા ભજવી હતી. છેલ્લે તેઓ આ વર્ષે રિલીઝ થયેલી ફિલ્મ ‘લગન સ્પેશ્યલ’ માં કપલની ભૂમિકામાં જોવા મળ્યા હતા.
