બે માસ પહેલાં થયેલી બોલાચાલીના કારણે ત્રણ શખ્સો છરીના ઘા ઝીંકી દીધા: યુવાન ગંભીર
મહુવાના નેસવડની પરિણીતાની બે માસ પહેલાં થયેલી છેડતીના પ્રશ્ને બોલાચાલીના કારણે યુવાન પર ત્રણ શખ્સોએ છરીથી ખૂની હુમલો કરતા તેને ગંભીર હાલતમાં સારવાર માટે હોસ્પિટલમાં દાખલ કરાયો છે.
આ અંગેની પોલીસમાંથી પ્રાપ્ત વિગત મુજબ નેસવડ ગામના મેહુલ બાબુ વાઘેલા નામના શખ્સે તેના જ ગામના સંજય ભાણજીની પત્નીની બે માસ પહેલાં છેડતી કરી હોવાથી બંને વચ્ચે બોલાચાલી થઇ હતી.છેડતીના કારણે બંને વચ્ચે અદાવત ચાલતી હોવાથી ગઇકાલે સાંજ મહુવાની હનુમંત હોસ્પિટલ પાસે મેહુલ બાબુ વાઘેલા પસાર થઇ રહ્યો હતો ત્યારે સંજય ભાણજી, ભરત મથુર અને મુકેશ નામના શખ્સો છરીથી હુમલો કરી હ્ત્યાનો પ્રયાસ કર્યાની પ્રદિપ બાબુ વાઘેલાએ પોલીસમાં ફરિયાદ નોંધાવી છે.ગંભીર રીતે ઘવાયેલા મહેલુ વાઘેલાને મહુવા બાદ વધુ સારવાર માટે ભાવનગરની સરટી હોસ્પિટલમાં દાખલ કરાયો છે. પી.એસ.આઇ. આર.એમ.નકવી સહિતના સ્ટાફે ત્રણેય શખ્સો સામે હત્યાની કોશિષનો ગુનો નોંધી શોધખોળ હાથધરી છે.
