શહેરભરમાં નવરાત્રી મહોત્સવની રંગત જામી ચુકી છે. ઠેર ઠેર પ્રાચીન અર્વાચીન દાંડીયા રાસના આયોજનો થયા છે અને યુવાધન ગરબો રમવા હિલોળે ચડયું છે. આ જ પ્રકારનું સુંદર આયોજન ખોડલધામ નવરાત્રી મહોત્સવ સમીતી દ્વારા વેસ્ટ ઝોનમાં નાના મૌવા સર્કલ, ૧૫૦ ફુટ રીંગ રોડ ખાતે થયું છે. ત્યાં ખોડલધામ ટ્રસ્ટના ચેરમેન નરેશભાઇ પટેલના હસ્તે માઁ ખોડલની મહાઆરતી કરવામાં આવી હતી આ ઉપરાંત દિવ્યાંગ બાળકો પણ ધર્મોચ્સવમાં જોડાયા હતા. આશરે પ૦૦ ભાવિકો દ્વારા માઁ ખોડલની આરતી કરવામાં આવી હતી ત્યારબાદ નરેશભાઇ પટેલ ખેલૈયાઓ સાથે રાસ રમ્યા હતા. જેથી રાસ રસિયાઓમાં આનંદ બેવડાયો હતો. રાસોત્સવમાં વેસ્ટ ઝોન નવરાત્રી મહોત્સવના કાર્યક્રરો પણ ભાવભેર સામેલ થયા હતા.
