ભારે તીવ્રતાના ભૂકંપ બાદ પણ સુનામીનો કોઈ ખતરો નહીં હોવાથી હાશકારો!!
ન્યુ કેલેડોનિયાના ફ્રેન્ચ પ્રદેશમાં લોયલ્ટી ટાપુઓની દક્ષિણપૂર્વમાં શનિવારે 7.1 તીવ્રતાનો ભયાનક ધરતીકંપ આવ્યો હતો. રાહતની વાત એ છે કે આ ભૂકંપથી સુનામીનો કોઈ ખતરો નથી.
યુનાઈટેડ સ્ટેટ્સ જીઓલોજિકલ સર્વે (યુએસજીએસ) એ અહેવાલ આપ્યો છે કે, ભૂકંપ આશરે 36 કિમીની ઊંડાઈએ આવ્યો હતો. ઓસ્ટ્રેલિયાના બ્યુરો ઓફ મીટીરોલોજીએ ભૂકંપ બાદ જણાવ્યું હતું કે સુનામીનો કોઈ ખતરો નથી.
આ પહેલા 19 મેના રોજ 7.7ની તીવ્રતાના ભૂકંપના આંચકા અનુભવાયા હતા. ભૂકંપનું કેન્દ્ર લોયલ્ટી ટાપુઓની દક્ષિણ-પૂર્વમાં છ માઈલની ઊંડાઈએ હતું. ત્યારબાદ, વનુઆતુ, ન્યુઝીલેન્ડ, ફિજી અને અન્ય પેસિફિક ટાપુઓ માટે સુનામીની ચેતવણી જારી કરવામાં આવી હતી. આ વિસ્તારમાં હંમેશા ભૂકંપનો ભય રહે છે.
