ભારત પાકિસ્તાન યુધ્ધ દર્શાવતું પ્રદર્શન તથા લોકડાયરા સહિતના કાર્યક્રમો યોજાશે
ક્રિશ્ર્ના યુવા ગ્રુપ દ્વારા જન્માષ્ટમી મહોત્સવનું વિશ્વેશ્વર શાક માર્કેટ, સહયોગ હોસ્પિટલની સામે, મવડી મેઈનરોડ ખાતે આયોજન કરવામાં આવ્યું છે. જે અંતર્ગત ભારત પાકિસ્તાન યુધ્ધ દર્શાવતુ પ્રદર્શન તથા લોક ડાયરો યોજાશે.
તા.૧.૯ થી તા.૪.૯ દરમિયાન ભારત-પાકિસ્તાનનું યુધ્ધ દર્શાવતું પ્રદર્શન નિહાળી શકાશે. જયારે તા.૩.૯ના રોજ રાત્રે ૧૨ કલાકે મટકી ફોડ કાર્યક્રમ યોજાશે. રાત્રે લોકડાયરામાં ૭૫ પાઘડી ફેમ કુલદીપ ગઢવી અને લોક સાહિત્યકાર સુખદેવ ડાંગર રમઝટ બોલાવશે. લોકડાયરામાં એકઠી થયલે ઘોર કેરળના પૂરપીડીતોને સહાયરૂપે અર્પણ કરવામા આવશે. તેવું આજરોજ ‘અબતક’ની મુલાકાતે આવેલા કોર્પોરેટર વિજયભાઈ વાંક, બાલાભાઈ વાછાણી, સંજયભાઈ અજુડીયા, જગદીશભાઈ સખીયા અને રમેશભાઈ વાંક સહિતના આગેવાનોએ કહ્યુ હતુ અહી ઉલ્લેખનીય છે કે ક્રિષ્ના યુવા ગ્રુપ ૨૫માં મંગલ વર્ષમાં પ્રવેશ કરશે. આ આયોજન કોઈપણ ફંડ ફાળા વગર ગ્રુપના સભ્યો દ્વારા કરવામાં આવે છે.
