ધો.૧૦ અને ધો.૧૨ની બોર્ડની પરીક્ષાનો શુભારંભ થયેલ છે. જેમાં જોડિયા તાલુકા ભાજપ આગેવાન, કાર્યકરો અને વિદ્યાર્થી ભાઈ-બહેનોને પુષ્પગુચ્છ, ચોકલેટ, બોલપેન આપીને શુભકામના પાઠવી છે. જોડિયા ગામે સ્વ.હેમંતભાઈ રામભાઈ માડમ મેમોરીયલ ટ્રસ્ટનો સતત ૧૦માં વર્ષમાં પ્રવેશ થયેલ છે. જેમાં વિદ્યાર્થી ભાઈ-બહેનો તથા વાલીઓ અને અન્ય માટે ભોજનની વ્યવસ્થા કરવામાં આવે છે. ગઈકાલે જામનગર જિલ્લાના સાંસદ પુનમબેન માડમે સ્થળ ઉપર હાજરી આપી તમામ વિદ્યાર્થીઓને પરીક્ષામાં સારા માર્કસથી પાસ થાય તેવા આશીર્વાદ આપ્યા હતા.
