જમ્યા બાદ લીચીનું સેવન અનેક તકલીફોથી રાખે છે દૂર : આખા દિવસમાં 10 લીચીનું સેવન અક્સિર નીવડે છે
દરેક ઋતુ તેની સાથે વિવિધ પ્રકારના ફળો લાવે છે. આવું જ એક મોસમી ફળ લીચી છે, જે ઉનાળાની ઋતુમાં મળે છે. આ ફળ લગભગ તમામ ઉંમરના લોકોને પસંદ છે. લીચી ખોરાકમાં જેટલી સ્વાદિષ્ટ અને રસદાર છે, તે સ્વાસ્થ્ય માટે એટલી જ ફાયદાકારક માનવામાં આવે છે. આ જ કારણ છે કે તેને આરોગ્યનો ખજાનો માનવામાં આવે છે. તો ચાલો અમે તમને જણાવીએ લીચી ખાવાથી થતા ફાયદા.લીચી ખાવામાં ટેસ્ટી હોય છે, પણ શુ તમને ખબર છે આનુ સેવન આપણી સ્કિનમાં ગ્લો લાવે છે અને આપણા આરોગ્ય સાથે સંકળાયેલી અનેક સમસ્યાઓમાં પણ લાભદાયક છે.
કારણ કે તેમા કાર્બોહાઈડ્રેટ, વિટામિન એ અને બી કોમ્પ્લેક્સ, પોટેશિયમ, કેલ્શિયમ, મેગ્નેશિયમ, ફોસ્ફરસ, લોહ જેવા ખનિજ લવણ જોવા મળે છે. જે આપણા આરોગ્ય માટે ખજાનો છે. લીચી એ રસથી ભરપૂર ફળ છે, જેમાં 80 ટકા પાણી હોય છે. ઉનાળામાં આ ફળ તમને સ્વસ્થ રાખે છે. વિટામિન સીથી ભરપૂર લીચી રોગપ્રતિકારક શક્તિને મજબૂત બનાવે છે. વિટામિન બી6, નિયાસિન, રિબોફ્લેવિન, ફોલેટ, કોપર, પોટેશિયમ, ફોસ્ફરસ, મેગ્નેશિયમ અને મેંગેનીઝ જેવા તત્વોથી ભરપૂર આ ફળ શરીરને સ્વસ્થ રાખવાની સાથે-સાથે શરીર અને પેટને ઠંડુ રાખે છે.
પાચનમાં સુધારો
લીચી ખાવાથી પાચનક્રિયા સારી રહે છે. ફાઈબર અને અન્ય પોષક તત્વોથી ભરપૂર લીચી પાચનતંત્રને મજબૂત બનાવે છે, તેનું સેવન કરવાથી કબજિયાતમાં રાહત મળે છે. ઉનાળામાં તે ઉલ્ટી અને ઝાડાની સમસ્યામાં રાહત આપે છે.
રોગપ્રતિકારક શક્તિમાં વધારો
વિટામિન સીથી ભરપૂર લીચીનું સેવન કરવાથી રોગપ્રતિકારક શક્તિ મજબૂત બને છે. લીચીમાં ભરપૂર માત્રામાં બીટા કેરોટીન, નિયાસિન, રિબોફ્લેવિન અને ફોલેટ હોય છે જે રોગપ્રતિકારક શક્તિને મજબૂત કરવામાં મદદ કરે છે. સાથોસાથ ઈન્ફેક્શનનો ખતરો ઓછો થાય છે. તે ગળામાં દુખાવો, તાવ, શરદી જેવી સમસ્યાઓથી રાહત આપે છે.
વજન નિયંત્રિત કરે
ઉનાળામાં લીચીનું સેવન કરવાથી વજન પણ નિયંત્રણમાં રહે છે. મીઠી અને રસદાર લીચીમાં 80 ટકા પાણી હોય છે. તેને ખાધા પછી ભૂખ ઓછી લાગે છે અને લાંબા સમય સુધી પેટ ભરેલું લાગે છે.
અનેમિયાથી બચાવે છે
લીચીમાં વિટામીન સીનું પ્રમાણ વધુ હોવાથી રહેલા બ્લડમાં આરબીસીના કાઉન્ટ વધારે છે જે એનીમિયા સામે ખૂબ વધુ રક્ષણ આપે છે.
હૃદયને મજબૂત અને બ્લડ પ્રેસર કાબુમાં રાખે છે
લીચી ખાવાનાં ફાયદા હૃદયની તંદુરસ્તી માટે પણ જોઇ શકાય છે. ખરેખર, લીચીમાં ક્યુરેસ્ટીન નામનો બાયોએક્ટિવ કમ્પાઉન્ડ છે, જે રક્તવાહિની આરોગ્યમાં મદદરૂપ સાબિત થઈ શકે છે એટલે કે હૃદયને સ્વસ્થ રાખવા અને બ્લડ પ્રેશરને સંતુલિત રાખવામાં. આ ઉપરાંત, લીચીમાં પોલિફેનોલ વધુ પ્રમાણમાં હોય છે, જે છાતી સંબંધિત સમસ્યાઓ માટે ઉપયોગી થઈ શકે છે. તે જ સમયે, તેના પર સંશોધન સૂચવે છે કે લીચીના અર્કમાં એન્ટીઓકિસડન્ટ અને કાર્ડિયો પ્રોટેક્શન (હૃદયને રોગોથી સુરક્ષિત રાખવું) ગુણધર્મો છે.
મોતિયાના લક્ષણોમાં ઘટાડો આવે છે
લીચી ફળના ફાયદામાં મોતિયાના લક્ષણોમાં ઘટાડો પણ શામેલ છે. તમને જણાવી દઈએ કે વધતા જતા વયમાં મોતિયા એક આંખોને લગતી સમસ્યા છે, જેમાં દ્રષ્ટિ નબળી પડે છે. આ સમસ્યાથી બચવા માટે લીચી ખાવાથી પણ ફાયદો થઈ શકે છે. આ અંગેના એક સંશોધનમાં એવું કહેવામાં આવ્યું છે કે લીચી મોતિયા રોકવામાં મદદગાર સાબિત થઈ શકે છે.
ઉર્જામાં વધારો કરે છે
લીચી ફળના ફાયદા ઉર્જાને વધારવા માટે પણ જોઇ શકાય છે. આ કારણ છે કે લીચી ફળ શક્તિથી ભરપૂર છે. 100 ગ્રામ લિચી પલ્પમાં 276 કિલોજુલ ઉર્જા હોય છે. તે જ સમયે, એવું કહેવામાં આવે છે કે શરીરમાં પ્રવેશ્યા પછી, કેલરી ઉર્જામાં ફેરવાય છે. જેના કારણે શરીરમાં શક્તિનો પ્રવાહ વધે છે અને ઉર્જાનો અનુભવ શરૂ થાય છે. આ આધારે, તે કહેવું ખોટું નહીં હોય કે લીચી ખાવાથી ફાયદા શરીરમાં ઉર્જા જાળવવા માટે જોઈ શકાય છે.
હાડકા મજબૂત કરે છે
લીચીનું સેવન તમારા હાડકાને મજબૂત બનાવે છે કારણ કે લીચીમાં મેગ્નેશિયમ, ફોસ્ફરસ, મેંગેનીઝ, કોપર સહિતના જરૂરી તત્વો હોવાથી હાડકાને મજબૂતી આપે છે અને સારું સ્વાસ્થ્ય મળે છે.
