‘ભાઈજાન’ સાથે સફાઈ અભિયાનમાં જોડાતી લુલિયા વેંતુર

મહારાષ્ટ્રમાં નિસર્ગ વાવાઝોડાએ તબાહી મચાવી હતી. મુંબઈમાંથી આ વાવાઝોડું પસાર થયું ત્યારબાદ તેના ફોટોઝ સામે આવી રહ્યા છે. આ વાવઝોડાને કારણે સલમાન ખાનના પનવેલ સ્થિત ફાર્મહાઉસમાં ઝાડ પાનને નુકસાન થયું છે. ત્યારબાદ સલમાન ખાને તેના મહેમાનો અને પરિવારના લોકો સાથે મળીને ફાર્મ હાઉસની સફાઈ કરી હતી જેનો વીડિયો તેણે ઇન્સ્ટાગ્રામ પર શેર કર્યો હતો. સલમાને કેપ્શનમાં સ્વચ્છ ભારતનો હેશટેગ માર્યો હતો. ઉપરાંત ૫ જૂને વિશ્વ પર્યાવરણ દિવસ હોવાથી તેણે આ વીડિયો પર્યાવરણ દિવસના નામે શેર કર્યો હતો. સલમાનની સાથે લુલિયા વંતૂર, જેક્લીન ફર્નાન્ડિઝ વગેરે ફાર્મહાઉસ પર જ છે. લોકડાઉનમાં ખાલી સમયનો ઉપયોગ કરીને સલમાને તેની યુ ટ્યુબ ચેનલ પર ૩ સોન્ગ રિલીઝ કરી દીધા છે. આ ત્રણેય સોન્ગ તેણે જ ગાયા છે. તમાનું એક સોન્ગ તેણે જેક્લીન સાથે રિલીઝ કર્યું છે. આ સોન્ગનું શૂટિંગ ચાર દિવસમાં ફાર્મહાઉસ પર જ કર્યું હતું. જેક્લીન, સલમાન અને ડીઓપી આ ત્રણ લોકોએ મળીને આખું શૂટિંગ પૂરું કર્યું હતું.