અબતક, નવી દિલ્હી
ભારતમાં એલોન મસ્ક પોતાની સ્ટારલીન્ક કંપનીને ભારતની માર્કેટમાં પ્રવેશ કરાવવાની પુરજોશમાં તૈયારી કરી રહ્યા છે. ત્યારે તેની દહેશતને પગલે ભારતમાં એકબીજાના હરીફ રહેલા જીઓ, એરટેલ અને વોડાફોન હવે એક થવા તરફ આગળ વધી રહ્યા છે. આમ ભયના કારણે આ ત્રણેય હરીફો વચ્ચે હવે પ્રીત બંધાવવાની છે.
પોતાનું અસ્તિત્વ ટકાવી રાખવા ભારતની દિગ્ગજ કંપનીઓ કોલોબ્રેશન કરવા આતુર,
ગમે ત્યારે સત્તાવાર જાહેરાત થઈ શકે છે
રિલાયન્સના મુકેશ અંબાણીએ સૂચન કર્યું કે તમામ કંપનીઓએ સાથે મળીને કામ કરવું જોઈએ અને ટેલિકોમ ફાઈબર જેવા ક્ષેત્રોમાં સહયોગ કરવો જોઈએ કારણ કે દેશ 5જી જેવી નવી તકનીકીઓ વધુમાં વધુ અસરકારક બનાવવા ભાગીદારી મહત્વની છે. જો કંપનીઓ સાથે મળીને કામ કરે, તો આપણે ઝડપથી ફાઈબરની રાષ્ટ્રવ્યાપી પદચિહ્ન હાંસલ કરી શકીશું, જેમ કે છેલ્લા એક દાયકામાં આપણે ટેલિકોમ ક્રાંતિ સર્જી હતી.
મિત્તલે પણ “ઉદ્યોગમાં ડુપ્લિકેશન” વિશે વાત કરી કહ્યું કે “આપણે એકબીજા સાથે વાત કરવાનું શરૂ કરવું જોઈએ. વધુ ટાવર ઈન્ફ્રાસ્ટ્રક્ચર શેર કરવું જોઈએ અને ખાતરી કરવી જોઈએ. જ્યારે આપણે ઉગ્ર સ્પર્ધા કરીએ છીએ, ત્યારે અમે વિશ્વમાં ગમે ત્યાં સૌથી વધુ સસ્તું ટેરિફ સેવા આપવા માટે સહયોગ કરીએ છીએ અને ઓછી કિંમતની રચનાઓ પણ કરીએ છીએ. વધુમાં તેમણે 5જીના ક્ષેત્રમાં વધુ સહકારની માંગ કરી હતી.
બિરલાએ પણ કહ્યું કે જેમ જેમ આપણે આ ડિજિટલ શિફ્ટને વેગ આપીએ છીએ, આપણે 5જી, ઇન્ડસ્ટ્રી 4.0 અને તેનાથી આગળના પાસાઓ સક્ષમ કરવા માટે સતત રોકાણોની જરૂરિયાતને સામૂહિક રીતે સંબોધવાની જરૂર છે. રોકાણ અને સિદ્ધિને વેગ આપવા માટે એક મજબૂત કોલોબ્રેશનની જરૂર છે.
2જીના તમામ યુઝર્સને વહેલી તકે 4જીમાં જોડાશે
રિલાયન્સ જિયોના માલિક મુકેશ અંબાણીએ 5જી રોલઆઉટને દેશની પ્રથમ પ્રાથમિકતા ગણાવી છે. 5જી વિશે બોલતા, મુકેશ અંબાણીએ કહ્યું, અમે 100% 5જી સોલ્યુશન વિકસાવ્યું છે. જે સંપૂર્ણપણે ક્લાઉડ નેટિવ, ડિજિટલી સંચાલિત અને ભારતીય છે. અમારી ટેક્નોલોજીના કારણે, જીઓ નેટવર્કને વહેલી તકે 4જી થી 5જી માં અપગ્રેડ કરી શકાય છે. મુકેશ અંબાણીએ કહ્યું કે સરકારે દેશમાં મોબાઈલ સબસિડી આપવા માટે યુનિવર્સલ સર્વિસ ઓબ્લિગેશન ફંડનો ઉપયોગ કરવાની લોબિંગ કરી છે.
મુકેશ અંબાણી માને છે કે જો દેશના હાંસિયામાં ધકેલાઈ ગયેલા લોકોને દેશના ડિજિટલ વિકાસનો હિસ્સો બનાવવો હોય, તો તેમને સસ્તું ભાવે સેવાઓ અને ઉપકરણો પ્રદાન કરવા જોઈએ. મુકેશ અંબાણીએ કહ્યું કે ભારતે 2જી થી 4જી અને પછી 5જી માં વહેલામાં વહેલી તકે સ્થળાંતર પૂર્ણ કરવું જોઈએ. લાખો ભારતીયોને સામાજિક-આર્થિક પિરામિડના તળિયે 2જી સુધી મર્યાદિત રાખવાથી તેઓને ડિજિટલ ક્રાંતિના લાભોથી વંચિત રાખવામાં આવે છે. કારણ કે કોવિડમાં આપણે જોયું કે જ્યારે બધું બંધ હતું, ત્યારે માત્ર ઈન્ટરનેટ અને મોબાઈલ જ આપણને જીવંત રાખતા હતા. ટેકનોલોજી આપણા જીવન અને નોકરીઓની કરોડરજ્જુ બની ગઈ છે.
ત્રણેય કંપનીઓ દ્વારા 5જી નેટવર્ક માટે પુરજોશમાં
તૈયારીઓ, સરકાર પાસે સહકાર પણ માંગ્યો
ભારતની ત્રણ ખાનગી ટેલિકોમ કંપનીઓ ભારતી એરટેલ, રિલાયન્સ જિયો ઈન્ફોકોમ અને વોડાફોન આઈડિયાના વરિષ્ઠ અધિકારીઓએ સરકારને તમામ 5જી બેન્ડ મૂકવા રજુઆત કરી છે.જેમાં વેચાણ માટે, વસૂલાત ઘટાડવા અને મોરેટોરિયમની લાંબી અવધિ આપવા સહિતની અરજી પણ કરાઈ છે. આમ સ્ટારલિંકની એન્ટ્રી પૂર્વે જ બધી કંપનીઓ 5જી સાથે સજ્જ થવા ઈચ્છે છે. આ માટે સરકાર તરફથી પૂરેપૂરો સહકાર પણ ટેલીકોમ કંપનીઓ ઇચ્છી રહી છે.
