પ્રમુખસ્વામી મહારાજના ૯૮મા જન્મજયંતી મહોત્સવઉપક્રમે રાજકોટ બી.એ.પી.એસ. સ્વામિનારાયણ મંદિરદ્વારા પ્રમુખસ્વામી સભાગૃહ ખાતે રક્ષાબંધનના પવિત્ર પર્વની ભવ્ય ઉજવણી કરવામાં આવી હતી. જેની શુભ શરૂઆત પ્રાત: કાળે ભગવાનની મહાપૂજા તેમજ શણગાર આરતી સાથે થઇ હતી.
રક્ષાબંધન પર્વ નિમિત્તે વિશિષ્ટ સભાનું આયોજન કરવામાં આવ્યું હતું. સભાના અંતમાં સંતોએ ઉપસ્થિત તમામ હરિભક્તોને કાંડા પર રક્ષા કવચ બાંધી આપ્યું હતું. આજના પરમ પવિત્ર દિવસે ગુરુહરિ પરમ પૂજ્ય મહંતસ્વામી મહારાજે વડોદરા ખાતે આજના પ્રસંગે આશીર્વચન પાઠવ્યા હતા. રાજકોટી ખાસ પૂજ્ય અપૂર્વમુનિ સ્વામીને ફોનમાં રાજકોટના સૌ સંતો-હરિભક્તો માટે પણ વિશેષ આશીર્વચન પાઠવ્યા હતા.
