લંડનની અંડરગ્રાઉન્ડ ટ્યૂબ ટ્રેનમાં ધડાકો થયો છે. સ્થાનિક મીડિયાના અહેવાલો અનુસાર, ટ્રેનના દરવાજા પાસે મૂકેલા કન્ટેનરમાં બ્લાસ્ટ થયો હતો. સવારે લગભગ 8.15 કલાકે એકદમ ભીડવાળી ટ્યૂબ ટ્રેનમાં બ્લાસ્ટ થયો હતો.
બ્લાસ્ટને કારણે ટ્રેનમાં સવાર કેટલાંક પેસેન્જર્સના ચહેરા દાઝ્યા છે. બ્લાસ્ટ સમયે ટ્રેન સાઉથ વેસ્ટ લંડનના પાર્સન્સ ગ્રીન સ્ટેશન પર હતી. સફેદ રંગના કન્ટેનર અથવા ટબ જેવી વસ્તુને ટ્યૂબ ટ્રેનના દરવાજા નજીક એક બેગમાં મૂકેલી હતી. જેવો બ્લાસ્ટ થયો તેવી આગ લાગી અને તેમાં કોઇ પ્રકારનો ગેસ નિકળવા લાગ્યો હતો. એક પેસેન્જરે સ્થાનિક પ્રેસને જણાવ્યું કે, જેવો બ્લાસ્ટ થયો ને આગ લાગી અમે તરત જ ખુલ્લા દરવાજાની બહાર કૂદવા લાગ્યા. બ્લાસ્ટની થોડી જ મિનિટોમાં ફાયર બ્રિગેડ તથા મેટ્રોપોલિટન પોલીસ પણ ઘટના સ્થળે પહોંચી ગઇ હતી.
