- શાપર નજીક આવેલ પારડી ગામે પત્નીના પૂર્વ પ્રેમીએ તીક્ષ્ણ હથિયારના 9 ઘા ઝીંકી રવિ મકવાણાની ક્રૂરતાપૂર્વક હ-ત્યા નીપજાવી
- મૃ-તદેહને પોસ્ટમોર્ટમ અર્થે ખસેડાયો
- શાપર પોલીસ દ્વારા તપાસનો ધમધમાટ શરૂ
ગુજરાતમાં ફરી એક વખત કાયદો અને વ્યવસ્થાની સ્થિતિ કથળતી જોવા મળી રહી છે. રાજકોટના લોધિકાના પારડીમાં યુવકની તીક્ષ્ય હથિયારના 9 ઘા ઝીંકીને હ-ત્યા કરવામાં આવી છે. સમગ્ર બનાવની જાણ થતા જ પોલીસ દ્વારા તપાસ હાથ ધરવામાં આવી છે.
લોધિકાના પારડીમાં યુવકની હ-ત્યા
રાજકોટના લોધિકાના પારડી ગામમાં 28 વર્ષીય રવિ દિલીપ મકવાણા નામના યુવકની તીક્ષ્ણ હથિયારના 9 ઘા ઝીંકીને હ-ત્યા કરવામાં આવી છે. રવિ પોતાની પત્નીને પારડી સસરાને ત્યાં મુકવા માટે આવ્યો હતો. આ દરમિયાન અજાણ્યા શખ્સોએ તેની તીક્ષ્ણ હથિયારના ઘા ઝીંકીને હ-ત્યા કરી હોવાનું જાણવા મળ્યું હતું.
અનુસાર માહિતી મુજબ, રવિ મૂળ જામજોધપુરનો રહેવાસી છે અને જેતપુરમાં કામ કરીને પોતાનું ગુજરાન ચલાવતો હતો. શાપર વેરાવળ પોલીસ દ્વારા સમગ્ર મામલે તપાસ હાથ ધરવામાં આવી છે. તેમજ યુવકના મૃ*તદેહને રાજકોટ સિવિલ હોસ્પિટલ ફોરેન્સિક PM માટે મોકલવામાં આવ્યો હતો. હ-ત્યા પાછળનું કારણ જાણવા માટે પોલીસે વધુ તપાસ હાથ ધરી છે. પોલીસ તપાસમાં યુવકના દોઢેક માસ પહેલા જ પ્રેમ લગ્ન થયા હોવાનું જાણવા મળ્યું છે.
