લોધીકા તાલુકાના પીપરડી ગામની સીમમાંથી 96 બોટલ વિદેશી દારૂ સાથે ખેડુતની ધરપકડ કરી નાશી છૂટેલા મેટોડાના બુટલેગરની શોધખોળ હાથ ધરી છે.
વધુ વિગત મુજબ લોધીકા ખાતે રહેતો ગૌતમ ઉર્ફે ગવો રમેશ દેશાઈ નામના ખેડુત પોતાની વાડીમાં વિદેશી દારૂનો જથ્થો છુપાવ્યો હોવાની પોલીસ કોન્સ્ટેબલ હિતેશભાઈ સોવલીયાને મળેલી બાતમીનાં આધારે સ્ટાફે દરોડો પાડયો હતો.
પશુઓ બાંધવાના ફરજામાં છુપાવેલો રૂ. 48000ની કિંમતનો 96 બોટલ વિદેશી દારૂ સાથે ગૌતમની ધરપકડ કરી પ્રાથમિક પૂછપરછમાં આ દારૂનો જથ્થો મેટોડા ખાતે રહેતા મિત્ર જયેશ ભીખુ ગળચર પાસેથી લાવ્યાની કબુલાત આપતા તેની શોધખોળ હાથ ધરી છે.
