જગન્નાથ મંદિરની ધજા લઈને ઉડ્યું ગરુડ ! જાણો રહસ્ય

વિજ્ઞાનને પડકારે છે આ ધ્વજ

જગન્નાથ મંદિરના ધ્વજની સૌથી ખાસ વાત એ છે કે હવાની દિશા ગમે તે હોય પરંતુ ધ્વજની દિશા એક જ રહે છે. જે વિજ્ઞાનને પડકારે છે. આ ઘટનાથી વૈજ્ઞાનિકો પણ નવાઈ પામી ગયા છે. ધ્વજ લહેરાવવાની દિશા નિશ્ચિત છે પછી ભલે પવનની દિશા ગમે તે હોય.

પવનની વિરુદ્ધ દિશામાં લહેરાતો ધ્વજ હનુમાનજીનું રહસ્ય

મંદિરનો ધ્વજ પવનની દિશાની વિરુદ્ધ લહેરાય છે આ વાત સૌને આશ્ચર્યમાં મૂકે છે. તેની પાછળ પણ એક સુંદર પૌરાણિક કથા છે. કેહવામાં આવે છે કે જ્યારે ભગવાન વિષ્ણુ સમુદ્રકાંઠે આરામ કરતા હતા, ત્યારે સમુદ્રના ઊંડા અવાજથી તેમને આરામમાં તકલીફ પડતી હતી. હનુમાનજીને આ ખબર પડી, તો તેમણે સમુદ્રને શાંત થવાનું કહ્યું, પણ સમુદ્રે કહ્યું કે એ પવનના કારણે શક્ય નથી.

ત્યારે હનુમાનજીએ પોતાના પિતા પવનદેવને વિનંતી કરી, પણ પવનદેવે પણ એ શક્ય નહીં કહેલું. છેલ્લે હનુમાનજીએ પોતાની શક્તિનો ઉપયોગ કરીને પોતાને બે ભાગમાં વહેંચી દીધા અને મંદીરની આસપાસ પવન કરતાં પણ વધુ ઝડપે પ્રદક્ષિણા કરવાની શરૂ કરી. જેથી એક એવો વાયુચક્ર સર્જાયો કે સમુદ્રનો અવાજ મંદિર સુધી પહોંચતો જ ન હતો. આજની તારીખે પણ એ વિશ્વાસ છે કે મંદીર પર લહેરાતો ધ્વજ પવનની વિરુદ્ધ દિશામાં લહેરાય છે અને ભગવાનને શાંતિ મળે છે.

મંદિરની અનોખી રસોઈ પરંપરા

જગન્નાથ મંદિરમાં માત્ર ધ્વજ નહીં, પણ પ્રસાદ બનાવવાની પદ્ધતિ પણ અત્યંત ખાસ છે. અહીં સાત વાસણોને એકબીજાના ઉપર રાખીને લાકડાના ચૂલામાં રાંધવામાં આવે છે, પણ આશ્ચર્યજનક વાત એ છે કે ઉપરનું વાસણ પહેલા રાંધાઈ જાય છે. આ પ્રસાદ “મહાપ્રસાદ” તરીકે ઓળખાય છે અને હજારો ભક્તો રોજ આ પ્રસાદનો લાભ લે છે. આ પણ ભગવાનની કૃપાનું જ એક ચિહ્ન છે.

દરરોજ બદલાય છે ધ્વજ

જગન્નાથ મંદિરનો ધ્વજ દરરોજ બદલાય છે. એવી માન્યતા છે કે જે દિવસે ધ્વજ કોઈ કારણસર ન બદલાયો તો આ સ્થાન આગામી 18 વર્ષ સુધી બંધ રહેશે. જો આ વચ્ચે મંદિરના કપાટ ખોલવામાં આવે તો પ્રલય પણ આવી શકે. આ માન્યતાથી લોકો દંગ રહી જાય છે. મંદિરના શિખર પર રોજ એક પૂજારી 45 માળ જેટલી ઊંચાઈએ ચડે છે અને ધ્વજ બદલે છે.

પ્રચલિત કહાની

એક પ્રચલિત કહાની મુજબ એક ભક્તે એકવાર સપનું જોયું કે ભગવાન જગન્નાથના મંદિરનો ઝંડો ફાટી ગયો છે. ત્યારબાદ મંદિરના પૂજારીઓને તે ઝંડો એ હાલતમાં મળ્યો. આથી દરરોજ એક નવો ઝંડો ફરકાવવાની પરંપરા શરૂ થઈ. એવું મનાય છે કે જૂનો ઝંડો ખરાબ ઉર્જાને ખેંચી લે છે, આથી તેને બદલી નાખવામાં આવે છે.

મંદિરની ઉપર એક સુદર્શન ચક્ર લાગેલું છે. જેનું વજન લગભગ 1000 કિલોગ્રામ છે. વિજ્ઞાન પણ અચંબિત છે કે આખરે આ ચક્ર આટલી ઊંચાઈ પર પહોંચ્યું કેવી રીતે. કારણ કે તે સમયે ટેક્નોલોજી આટલી વિક્સી નહતી.