આજે લોકસભાની ચુંટણીમાં નેતાઓએ પણ હર્ષભેર વહેલી સવારે મતદાન મથકે પહોંચીને વોટ આપ્યો હતો. ભાજપ તેમજ કોંગ્રેસના વિવિધ બેઠકનાં ઉમેદવારોએ પણ ઉત્સાહભેર પરિવાર સાથે મતદાન મથકે જઈને મતદાન કર્યું હતું. રાજકોટ લોકસભા બેઠકનાં ભાજપનાં ઉમેદવાર મોહનભાઈ કુંડારીયાએ મોરબી ખાતે તેમજ કોંગ્રેસનાં ઉમેદવાર લલિતભાઈ કગથરાએ રાજકોટ ખાતે, સુરેન્દ્રનગર લોકસભા બેઠકનાં ઉમેદવાર મહેન્દ્રભાઈ મુજપરા ઉપરાંત પોરબંદર લોકસભા બેઠકનાં ઉમેદવાર લલિતભાઈ વસોયાએ પણ મતદાન કરી રાષ્ટ્રીય ફરજ નિભાવી હતી. આ ઉપરાંત ભાજપ તેમજ કોંગ્રેસનાં અગ્રણીઓએ પણ મત આપી લોકશાહીનાં પર્વને ઉજવ્યો હતો.
