છેલ્લા ઘણા મહિનાથી ચાલી રહેલા લોકડાઉનને કારણે ભારતીય ગ્રાહકોની ખરીદી કરવાની વર્તણૂક બદલાઈ ગઈ છે. ગ્રાહકોની ખર્ચ કરવાની રીતો પરથી સ્વાસ્થ્ય વિશે કેટલી ચિંતા કરે તેના સંકેતો મળે છે. કંટાળાને દૂર કરવા અને શરીરને સ્વચ્છ રાખવા માટે તેઓ ધૂમ પૈસા ખર્ચ કરી રહ્યાં છે. લોકોની આ આદત મહામારી બાદ પણ બરકરાર રહેશે કેટલીક કંપનીઓને તેનો મોટો ફાયદો થશે. લોકો ઇમ્યુનિટી બુસ્ટારથી લઈ સાફસફાઈ માટે વેક્યુમ ક્લીનરની ખરીદી કરવા લાગ્યા છે.
રોગપ્રતિકારક શક્તિ વધારનાર
વિશ્વભરના ગ્રાહકોએ એવા ઉત્પાદનોમાં રસ વધાર્યો છે જે તેમની રોગપ્રતિકારક શક્તિ વધારીને તેમના શરીરને સ્વસ્થ રાખી શકે છે. ભારતમાં લોકો આયુર્વેદિક ઉત્પાદનો તરફ વળ્યા છે. પરંપરાગત ઉત્પાદનોના વેચાણમાં ઘણો વધારો થયો છે.
જૂનમાં ચ્યવનપ્રશનું વેચાણ 283 ટકા વધ્યું હતું, જ્યારે બ્રાન્ડેડ મધનું વેચાણ 39 ટકા વધ્યું હતું. દેશના આયુર્વેદિક ઉત્પાદનોનો સૌથી મોટો સપ્લાયર કરતી ડાબર કંપનીના આંકડા મુજબ એપ્રિલ-જૂનમાં ચ્યવનપ્રશનું વેચાણ ખૂબ વધ્યું હતું. આગામી કેટલાક મહિનાઓ સુધી માંગ વધતી રહેશે. લોકો રોગપ્રતિકારક શક્તિના બૂસ્ટર અને શરીરની સ્વચ્છતાના ઉત્પાદનો ખરીદવાનું ચાલુ રાખશે.
પેકેજ-કમ્ફર્ટ ફૂડનું વેચણ વધ્યું
માર્ચથી પેકેજ્ડ ખાણોના વેચાણમાં પણ વધારો થયો છે. લોકડાઉનના કારણે મકાનોમાં બંધ લોકોએ આવા માલ સ્ટોક કરી દીધા છે. આ માલ ઝડપથી બગાડતો નથી. સવારના નાસ્તામાં અનાજ, ઇન્સ્ટન્ટ નૂડલ્સ, ચોખા અને રસોઈ ચરબી એવા કેટલાક ઉત્પાદનો છે જેણે વેચાણમાં ઉછાળો જોયો છે. હેટોંગ સિક્યોરિટીઝને નેસ્લે ઈન્ડિયા લિમિટેડ, જેમની મેગી ખૂબ પ્રખ્યાત છે, માર્ચમાં પૂરા થયેલા ક્વાર્ટરમાં આવકમાં 10.7 ટકાનો વૃદ્ધિ જોવા મળી હોવાનું વિશ્લેષકો ગુરુંગ કક્કર અને પ્રેમકાલ કામદારે જણાવ્યું હતું. મેગી, કિટકેટ અને મંચ જેવા ઉત્પાદનો નોંધપાત્ર રીતે વેચાયા છે.
ભારતીય પરિવારો માટેનું એક વધુ લોકપ્રિય ઉત્પાદન પાર્લે જી બિસ્કિટનું એપ્રિલ-મેમાં વેચાણ નોંધાયું છે. રોગચાળા દરમિયાન તે સરકારો અને એનજીઓ વતી જરૂરિયાતમંદ લોકોમાં વહેંચાયેલું હતું. આ સિવાય લોકોએ તેનો ઘરોમાં સ્ટોક કર્યો છે. બિસ્કિટ અને અન્ય ઉત્પાદનોના વેચાણમાં પણ વધારો થયો છે.
ડિજિટલ સેવાઓ તરફ પ્રવાહ વધ્યો
સોશિયલ ડિસ્ટન્સના કારણે લોકો વચ્ચે એક બીજાને મળવાનું ખૂબ ઓછું થયું છે. લોકો કામથી લઈને સોશિયલ એક્ટિવિટી માટે સ્ક્રીનનો આશરો લઈ રહ્યા છે. મોટી સંખ્યામાં વિદ્યાર્થીઓ ઓનલાઇન અભ્યાસ કરે છે. માર્ચથી ઇ કોમર્સ પ્લેટફોર્મ પર લેપટોપ માટે સર્ચ થતું હોવાનું પ્રમાણ બમણુ થઈ ગયું છે.
