- કચ્છમાં અનુભવાયો ભૂકંપનો આંચકો
- કચ્છની ધરા ફરી ધ્રુજી ઉઠી
- વર્ષ 2025ના પ્રથમ દિવસથી જ આંચકાનો દોર શરૂ
- ઠંડીના માહોલ વચ્ચે કચ્છમાં નોંધાયો ભૂકંપનો આંચકો
- સવારે 10:24 કલાકે નોંધાયો ભૂકંપનો આંચકો
- પૂર્વ કચ્છના ભચાઉ વિસ્તાર પાસે નોંધાયો 3.2ની તીવ્રતાનો ભૂકંપનો આંચકો
- ભૂકંપના આંચકાનું કેન્દ્રબિંદુ ભચાઉથી 23 કિલોમીટર દૂર નોર્થ – નોર્થ ઇસ્ટ દિશામાં નોંધાયો
- ભચાઉ પાસેની વાગડ ફોલ્ટલાઈન પર નોંધાઈ રહ્યાં છે ભૂકંપના આંચકા
કચ્છ: જિલ્લાનું નામ સાંભળતાની સાથે જ 2001નો વિનાશક ભૂકંપ યાદ આવી જાય છે. આજે પણ આ વિનાશક દ્રશ્યોને લોકો ભૂલ્યા નથી. ખાસ કરીને, કચ્છ જિલ્લામાં શિયાળાની ઋતુ નજીક આવતાની સાથે જ ભૂકંપના આંચકાઓની સંખ્યામાં વધારો જોવા મળે છે. 26 જાન્યુઆરી 2001ના ભયાનક ભૂકંપ બાદથી, આ વિસ્તારમાં નાના-મોટા આંચકાઓ એક સામાન્ય ઘટના બની ગયા છે.
ગુજરાતમાં નવા વર્ષની શરુઆતમાં જ કચ્છમાં ભચાઉમાં 3.2ની તીવ્રતાનો ભૂકંપનો(Earthquake) આંચકો અનુભવાયો છે. આ ભૂકંપનું કેન્દ્રબિંદુ ભચાઉથી 18 કિલોમીટર દૂર નોર્થ – નોર્થ ઇસ્ટ દિશામાં હતું. જેમાં શિયાળામાં ઠંડીના માહોલ વચ્ચે કચ્છમાં નોંધાયો ભૂકંપનો આંચકો નોંધાયો છે. મળતી માહિતી મુજબ ભૂકંપનો આંચકો સવારે 10.24 વાગે નોંધાયો હતો. જોકે, આ આંચકામાં જાન-માલના નુકશાનના કોઈ અહેવાલ નથી. વાગડ ફોલ્ટલાઈન સક્રિય બની ગુજરાતમાં વર્ષ 2001 ના વિનાશક ભૂકંપ બાદ ભચાઉ પાસેની વાગડ ફોલ્ટલાઈન સક્રિય બની છે.જેમાં અવારનવાર આ ફોલ્ટલાઈનની આસપાસ ભૂકંપના આંચકા નોંધાઈ રહ્યાં છે.
ડિસેમ્બર 2024 માં ત્રણ વાર ભૂકંપના આંચકા અનુભવાયા ઉલ્લેખનીય છે કે, ડિસેમ્બર 2024 કચ્છમાં ત્રણ વખત ભૂકંપના આંચકા અનુભવાયા હતા. જેમાં અગાઉ 7 ડિસેમ્બર અને 23 ડિસેમ્બરે પણ કચ્છમાં ભૂકંપના આંચકા અનુભવાયા હતા. 7 ડિસેમ્બરે પણ ભૂકંપના કારણે કચ્છની ધરતી ધ્રૂજી ઉઠી હતી. રિક્ટર સ્કેલ પર તેની તીવ્રતા 3.2 માપવામાં આવી હતી. જયારે 23 ડિસેમ્બરે કચ્છમાં 3.7ની તીવ્રતાનો ભૂકંપ આવ્યો હતો. જયારે 29 ડિસેમ્બરના સવારે 3.2ની તીવ્રતાનો ભૂકંપનો આંચકો અનુભવાયો હતો. ગાંધીનગર સ્થિત સિસ્મોલોજીકલ રિસર્ચ ઈન્સ્ટિટ્યૂટના જણાવ્યા અનુસાર કચ્છમાં સવારે 10.06 કલાકે ભૂકંપના આંચકા અનુભવાયા હતા.
