દરેક પ્રેમી યુગલ વેલેન્ટાઈન વીકની આતુરતાથી રાહ જુએ છે. 7 ફેબ્રુઆરીથી શરૂ થનાર આ સપ્તાહ ખૂબ જ ખાસ માનવામાં આવે છે. 14મી ફેબ્રુઆરી સુધી દરેક દિવસ અલગ રીતે ઉજવવામાં આવે છે. જેમાં એક કિસ ડે તરીકે પણ ઉજવવામાં આવે છે. તે દર વર્ષે 13 ફેબ્રુઆરીએ ઉજવવામાં આવે છે. પરંતુ, શું તમે જાણો છો કે કિસ ડે કેવી રીતે શરૂ થયો અને શા માટે ઉજવવામાં આવે છે? જો નહીં, તો અહીં જાણો આ ખાસ દિવસની ઉજવણી પાછળનું કારણ શું છે.
કિસ દિવસનો ઇતિહાસ
કપલ્સ માટે કિસ ડે ખૂબ જ ખાસ માનવામાં આવે છે. એવું કહેવાય છે કે છઠ્ઠી સદીમાં ફ્રાન્સમાં, યુગલો એકબીજા સાથે ડાન્સ કરે છે અને ડાન્સ પૂરો થયા પછી એકબીજાને કિસ કરી પોતાનો પ્રેમ વ્યક્ત કરતા હતા. એવું પણ કહેવાય છે કે રશિયામાં લગ્ન દરમિયાન શપથ લેતી વખતે કિસ કરવાની પ્રથા હતી. તે જ સમયે, રોમમાં કોઈને શુભેચ્છા આપવા માટે કિસનો ઉપયોગ કરવામાં આવતો હતો. આ રીતે કિસ દ્વારા લાગણીઓ વ્યક્ત કરવાની આ પ્રક્રિયા ધીમે ધીમે સમગ્ર વિશ્વમાં શરૂ થઈ.
કિસ ડે શા માટે ઉજવવામાં આવે છે?
વેલેન્ટાઈન વીકમાં કિસ ડે પ્રેમી યુગલો માટે ખૂબ જ ખાસ હોય છે, જે દર વર્ષે 13 ફેબ્રુઆરીએ ઉજવવામાં આવે છે. કહેવાય છે કે આ દિવસે એકબીજાને પ્રેમથી કિસ કરવાથી પ્રેમ સંબંધ મજબૂત થાય છે. પ્રેમાળ કિસ પરસ્પર પ્રેમ અને એકબીજા પ્રત્યે આદર વધારવાનું કામ કરે છે. જીવનમાં કિસ મહત્વની ભૂમિકા ભજવે છે. એના એક સ્પર્શથી જીવનમાં ચાલી રહેલી સમસ્યાઓ પણ ઓછી થઈ શકે છે. જો કોઈ દુઃખી કે પરેશાન વ્યક્તિને ગળે લગાવીને કપાળ પર પ્રેમથી કિસ કરવામાં આવે તો તેનું દુઃખ ઓછું થઈ શકે છે. પ્રેમ વ્યક્ત કરવા માટે કિસને શ્રેષ્ઠ વિકલ્પ માનવામાં આવે છે. કિસ દ્વારા તમે તમારી લાગણીઓને સરળતાથી તમારા પ્રેમીને જણાવી શકો છો.
